मृत अत्माको शान्तिका लागि श्रद्धान्जली सभा

तौलिहवा, असोज २४ गते । इजरायलमा भएको आक्रमणमा परि ज्यान गुमाएका नेपाली नागरिकहरुको मृत आत्माको शान्तीको लागि श्रद्धाञ्जली सभा सहित तौलिहवामा दीप प्रज्ज्वलन गरिएको छ । इजरायलमा १० जना नेपालीको दुःखद् निधन भएकोमा मृतकहरूप्रति हार्दिक श्रद्धाञ्जली अर्पण गर्दै सो दीप प्रज्ज्वलन गरिएको हो ।
उक्त श्रद्धाञ्जली सभा कपिलबस्तु नगरपालिका वडा नं. १ को सहयोग र आप्रवासी कामदार हकहित सञ्जाल कपिलबस्तुको आयोजनामा भएको हो । सभामा वडाध्यक्ष मोहम्मद जाहिद खाँ, खेलकुद विकास समितिका अध्यक्ष राजेश उपाध्याय, समाजसेवी रऊफ अहमद खाँ लगायतको सहभागिता रहेको थियो ।