तौलिहवा, कात्तिक १ गते । कपिलबस्तुका प्रमुख जिल्ला अधिकारी शंकरहरि आचार्यले अपराध नियन्त्रणमा प्रहरी महात्वपूर्ण भुमिका रहेको बताउनुभयो । ६८ औ प्रहरी दिवसको अवसरमा प्रहरी कार्यालय कपिलबस्तुले आयोजना गरेको श्रद्धान्जली तथा पुनर्मिलन समारोहमा उहाँले सो कुरा बताउनु भएको हो ।
सिमा क्षेत्रमा हुने अपराध, राजमार्ग क्षेत्रमा हुने अपराध, गाँउ समाज र समुदायमा हुने अपराधहरुको भित्रि रुपमा सूचनाको संकलन, सूचनाको विश्लेषण गरी प्रहरीले गरेको क्रियाकलप अतिनै उत्तम रहेको प्रजिअ आचार्यले बताउनुभयो ।
कुनै पनि नागरिक विनावर्दीको प्रहरी हो, शान्ति शुरक्षा कायम गर्ने, अमन चयन कायम गर्ने, चोरी निकासी र अपराध नियन्त्रण गर्ने काम प्रहरीको हो यद्यपि त्यसमा आम नागरिको त्यतिकै भुमिका रहेको उहाँको भनाई छ ।
कार्यक्रममा जिल्ला स्तरिय निबन्ध प्रतियोगितामा विजयी हुने विद्यार्थीहरुई पुरस्कार एवम् प्रमाणपत्र वितरण, अमर प्रहरी परिवार लगायत ज्येष्ठ पूर्व प्रहरीलाई सम्मानित गरिएको थियो । दिवसकै अवसरमा उत्कृष्ठ काम गर्ने प्रहरी कर्मचारी र खेलकुद का विभिन्न विधाहरुमा विजयी हुने प्रहरी कर्मचारीहरुलाई पुरस्कार तथा प्रमाणपत्र वितरण गरिएको थियो ।
जिल्ला प्रहरी कार्यालय कपिलबस्तुका प्रहरी उपरिक्षक नवरत्न पौडेलको अध्यक्षतामा उक्त कार्यक्रम भएको थियो । कार्यक्रममा कपिलबस्तु जिल्लाका विभिन्न स्थानिय तहका प्रमुख एवम् प्रतिनिधि, सुरक्षा निकायका प्रमुख, विभिन्न सरकारी एवम् गैर सरकारी निकायका प्रमुख एवम् प्रतिनिधि लगायतको सहभागिता रहेको थियो ।
अपराध नियन्त्रणमा प्रहरी महात्वपूर्ण भुमिकाः प्रजिअ आचार्य
