अभिनव गुप्ता । साझा न्यूज
नेपालगंज । युनिसेफको सहयोग र नेपालगंज उपमहानगरपालिका शिक्षा युवा तथा खेलकुद महाशाखाको आयोजनामा नेपालगंजमा विद्यालय स्तरीय बृहत्तर विद्यालय सुरक्षा सम्वन्धी २ दिने अभिमुखीकरण कार्यक्रम शुरु भएको छ ।
कार्यक्रममा नेपालगंज उपमहानगरपालिका शिक्षा युवा तथा खेलकुद महाशाखाका प्रमुख गोरख बहादुर थापाले विद्यालयमा विद्यार्थी र शिक्षक कर्मचारीहरुको सुरक्षाका सवालमा उपमहानगरपालिका संवेदनशील रहेको बताए ।
बृहत्तर विद्यालय सुधारका लागि विद्यालय, शिक्षक अभिभावक तथा विद्यार्थीहरु पनि सक्रिय भई आआफ्नो ठाउंबाट सक्रिय भई लाग्न शिक्षा महाशाखा प्रमुख थापाले सवैमा आग्रह गरेका छन् ।
सो अवसरमा युनिसेफका शहरी विपद् तथा भुकम्पीय पुर्व तयारी परियोजना शिक्षा तथा खेलकुद परियोजनाका नरेश निदाल, महानगरपालिकाका शाखा अधिकृत भीम बहादुर बुढा, शिक्षा अधिकृत डिल्ली आचार्य लगायतले आगामी दिनमा लुम्विनी प्रदेशमा भुकम्पीय उच्च जोखिम रहेका कारण विद्यालयहरुमा यसबाट यसको न्यूनीकरणका लागि गर्न सकिने उपायहरुको बारेमा छलफल गरेका छन् ।
अभिमुखीकरण कार्यक्रमलाई कालिका स्वावलम्वन सामाजिक केन्द्रका अध्यक्ष रामेन्द्र सिंह रावल र सहजकर्ता गोपाल भण्डारीले सहजीकरण गरेका थिए ।
कार्यक्रम नेपालगंज उपमहानगरपालिकाका ४२ सामुदायिक विद्यालयका प्रधानअध्यापक तथा फोकल शिक्षकहरुलाई विभिन्न चरणमा अभिमुखीकरण गरिने शिक्षा महाशाखाका शिक्षा अधिकृत डिल्ली आचार्यले बताए ।
