कपिलबस्तु, मंसिर २ गते । यहि मंसिर १६ गते हुने उपचुनावको लागि कपिलबस्तुको शुद्धोधन गाँउपालिका वडा नं. १ को वडाध्यक्षमा १४ जनाले उम्मेदवारी दिएका छन् ।
मुख्य निर्वाचन अधिकृतको कार्यालय शुद्धोधन गाँउपालिका वडा नं. १ का अनुसार चार स्वतन्त्र सहित १४ जनाले उम्मेदवारी दिइएका छन् ।
सो पदमा नेपाली कांग्रेस, नेकपा (एमाले), नेकपा (माओवादी) केन्द्रको, जनमत पार्टी , जनता समाजवादी पार्टीबाट उम्मेदवारी दिएका छन् । त्यस्तै जनता समाजवादी पार्टी नेपाल राष्ट्रिय प्रजातन्त्र पार्टी, राष्ट्रिय स्वतन्त्र पाटी,नागरिक उन्मुक्ति पार्टी, नेकपा(एकिकृत)बाट पनि उम्मेदवारी दर्ता गराउनु भएको हो ।
त्यस्तै चार उम्मेदवारले स्वतन्त्रमा उम्मेदवारी दर्ता गराएका छन् । नेपाली काँग्रेसबाट निर्वाचित वडा अध्यक्ष तिलकराम यादवको २०८१ असोज ८ गते निधन भएपछि रहेको रिक्त पदको लागि निर्वाचन हुन लागेको छ ।
