कपिलवस्तु, फागुन ५ गते । नेपाल परिवार नियोजन संघ र युएनएफपिएको आयोजनामा स्थानीय सरकारका प्रतिनिधि तथा सरोकारवालाहरूका लागि बृहत यौनिकता शिक्षा कार्यक्रमको दिगोपना र आगामी योजनासम्बन्धी कार्यशाला गोष्ठी तौलिहवामा सम्पन्न भएको छ ।
कार्यक्रमले यौनिकता शिक्षा कार्यक्रमलाई दीर्घकालीन रूपमा प्रभावकारी बनाउने उपायहरूबारे महत्वपूर्ण छलफल गर्नुका साथै, आगामी योजनाहरूलाई अझ संगठित, समन्वित, र लक्ष्यकेन्द्रित बनाउन विभिन्न सरोकारवालाबीच सहकार्यको आवश्यकता औंल्याइएको छ ।
जिल्ला समन्वय समिति प्रमुख बाबुराम आचार्यले “यौनिकता शिक्षा समाजका सबै तहमा पु¥याउनु आवश्यक छ । यसको प्रभावकारी कार्यान्वयनका लागि स्थानीय तहबीच सहकार्य अझ आवश्यक छ । यस किसिमका कार्यक्रमहरूले युवाहरूलाई स्वस्थ र सचेत राख्न ठूलो भूमिका खेल्नेछन् ।“
कार्यक्रम आयोजकहरूले भविष्यमा समेत यस्ता कार्यशालाहरूलाई निरन्तरता दिने प्रतिबद्धता समेत व्यक्त गरेका छन् ।
नेपाल परिवार नियोजन संघका जिल्ला अध्यक्ष विकास पोख्रेलको अध्यक्षता, बसन्त खनालको संचालनमा उक्त कार्यक्रम भएको थियो । कार्यक्रम कपिलवस्तु नगरपालिकाका नगर प्रमुख सुदिप पौडेल, विभिन्न स्थानीय तहका स्वास्थ्य, शिक्षा तथा महिला बालबालिका शाखाका प्रमुख लगायतको सहभागिता रहेको थियो ।
कपिलवस्तुमा यौनिकता शिक्षा कार्यक्रमको कार्यशाला सम्पन्न
