साझा न्यूज । कपिलवस्तु
कपिलवस्तु नगरपालिका वडा नं. २ स्थित शुक्रराज आधारभूत विद्यालयका विद्यार्थीहरुले १ दिने शैक्षिक अवलोकन भ्रमण सम्पन्न गरेका छन् । कक्षा १ देखि ८ सम्मको हाम्रो कपिलवस्तु स्थानीय विषयको पाढ्यपुस्तकमा उल्लेख भए अनुसारका बौद्धकालीन ऐतिहासिक स्थलहरुको भ्रमण सम्पन्न गरेका हुन् ।
कक्षा ४ देखि कक्षा ७ सम्मका ३५ जना विद्यार्थीहरु भ्रमणमा सहभागी भएका छन् । विद्यार्थीहरुलाई कुदान, गोटिहवा, तिलौराकोट, मधौलिया पार्क, जगदीशपुर ताल, लब्बुसागर, निग्लीहवा लगायतका स्थानहरुको भ्रमण गराईएको विद्यालयका प्रधानाध्यापक बसन्त चौधरीले बताए ।
भ्रमण संगै वाणगंगा नगरपालिकाको मधुवलिया पार्कमा विद्यार्थीहरुलाई बन भोज पनि गराईएको प्रधानाध्यापक वसन्त चौधरीले बताए ।
विद्यार्थीहरुको साथमा उनीहरुलाई हौसला बढाउन विद्यालय व्यवस्थापन समितिका अध्यक्ष दुर्गेश पाण्डेय पनि अवलोकन स्थल तर्फ पुगेका थिए । ।
