कपिलबस्तु, चैत २३ गते । कपिलबस्तुमा दुई छुट्टा छुट्टै स्थानमा आगलागी हुंदा लखौको क्षती भएको छ । जिल्लाको यशोधरा गाँउपालिका ४ पोखरभिटवा स्थित गहुं बारीमा एक्कासी आगलागी हुंदा १८ जना कृषकहरुको गंहु जलेर नष्ट भएको प्रहरीले जनाएको हो ।
प्रहरी निरिक्षक माधव विश्वकर्माका अनुसार आगलागीबाट अन्दाजी ९ लाख ४२ हजार ५ सय बराबरको गहु जलेर नष्ट भएको बताउनुभयो ।
त्यस्तै जिल्लाको कृष्णनगर नगरपालिका वडा नं. ७ अजिगरा स्थित अभिषेक चौधरीको खेतमा रहेको गहुँ, पराल र उँखुको पातमा आगोलागी हुदा स्थानिय ८ जनाको गंहु जलेर नष्ट भएको छ । आगलागीबाट १ लाख ७१ हजार बराबारको क्षती भएको प्रहरीको भनाई छ । आगलागीबाट कुनै पनि मानविय तथा पशु चौपायको क्षती नभएको प्रहरी निरिक्षक विश्वकर्माको भनाई छ ।
सो स्थानमा नेपाल प्रहरी स्थानिय तथा दमकलको सहयोगमा हाल आगो पूर्ण रुपमा नियन्त्रणमा आईसकेका प्रहरीले जनाएको छ ।
कपिलवस्तुको दुई स्थानमा आगलागी, लखौको क्षती
