कपिलबस्तु, बैशाख २३ गते । बजाज कम्पनीको नयाँ मोडल पल्सर १२५ एन मोटरसाइकल अब कपिलवस्तुको तौलिहवामा पनि विक्री सुरु गरिएको छ । तौलिहवास्थित केदारनाथ अटो मोबाइल्सका सञ्चालक विनोद पाठकका अनुसार मोटरसाइकलको मुल्य २ लाख ९७ हजार ९ सय रुपैयाँ निर्धारण गरिएको छ ।
नयाँ मोटरसाइकल खरिद गर्ने ग्राहकलाई आकर्षक अफर स्वरूप एक थान लेकगाड र एक थान हेलमेट निःशुल्क प्रदान गरिनेछ । साथै, मोटरसाइकल खरिद गर्दा ग्राहकले आठ हजारदेखि एक लाख रुपैयाँसम्मको आकर्षक कुपन पनि प्राप्त गर्न सक्ने सञ्चालक पाठकले जानकारी दिए ।
नेपाली बजारमा यसले टीभीएस रेडर र हिरो एक्सट्रिम १२५आर सँग प्रतिस्पर्धा गर्छ । बजाज पल्सर एन १२५ नयाँ बाइक हो र यसलाई एन सिरिजका अन्य बाइकहरु जस्तै डिजाइन गरिएको छैन । यस बाइकको स्टाइल र लुक पल्सर एन सिरिजका अन्य बाइकभन्दा बिल्कुलै फरक र नयाँ छ । बाइकको डिजाइन निकै शार्प र ठुलो बनाइएको छ, जसका कारण सो बाइक निकै आकर्षक देखिन्छ ।
कम्पनीले बाइकमा एलईडी हेडलाइट, एलईडी टेललाइट र फुल डिजिटल इन्स्ट्रयुमेन्ट क्लस्टर उपलब्ध गराएको छ । बाइकमा शार्प फ्युल ट्याङ्की कभर र रियर एन्ड पनि छ । बाइकको फ्युल ट्याङ्कीको दुबै छेउमा पल्सर ब्याजिङ र पछाडिको छेउमा १२५ सीसीको लोगो रहेको छ ।
बाइक विभिन्न रङमा उपलब्ध छ । बाइकमा १२५ सीसी सिंगल सिलिन्डर एयरकुल्ड इन्जिन प्रयोग गरिएको छ, जसले करिब १२ बीएचपी पावर र टर्क जेनेरेट गर्छ । यस बाइकको इन्जिन ५ स्पिड गियरबक्ससँग जोडिएको छ ।
बजाज पल्सर एन १२५ मा पूर्ण रूपमा नयाँ डिस्प्ले दिइएको छ । यसको स्क्रिनमा स्पिड र आरपीएमसँगै गियर पोजिसन इन्डिकेटर, फ्युल लेभल, टाइम जस्ता जानकारी उपलब्ध हुनेछ । सो इन्स्ट्रयुमेन्ट क्लस्टर ब्लुटुथ कनेक्टिभिटीसँग सुसज्जित छ ।
बाइकको अगाडि कभरसहित टेलिस्कोपिक फोर्क सस्पेन्सन र पछाडि मोनोसक सस्पेन्सन सेटअप छ । बाइकको अगाडि ९० एमएम चौडा र पछाडि ११० एमएम चौडा टायर जडान गरिएको छ । पल्सर एन १२५ को माइलेज लगभग ६० किलोमिटर प्रति लिटर छ ।
बजाज पल्सर १२५ एन मोटरसाइकल तौलिहवामा विक्री सुरु
