कपिलबस्तु, जेठ २२ । विश्व वातावरण दिवसको अवसरमा महाराजगञ्ज नगरपालिका वडा नं. ८, कजरहवामा वातावरणप्रति जनचेतना फैलाउने उद्देश्यले एक भव्य कार्यक्रम सम्पन्न भएको छ । वडा कार्यालयको आयोजनामा र आइ एन एफ नेपालको सहकार्यमा “प्लास्टिक प्रदूषण न्यूनीकरणः हाम्रो दायित्व” भन्ने मूल नारासहित सो कार्यक्रम सम्पन्न भएको हो ।
कार्यक्रम अन्तर्गत गमलामा फलफूलका विरुवा रोपण गरिएको थियो, जसले वातावरणीय सुधारमा समुदायको सक्रिय सहभागिता झल्काउँछ ।
कार्यक्रममा बोल्दै वडा अध्यक्ष योगेन्द्र कुमार केसीले “हाम्रो सानो प्रयासले पनि वातावरणमा ठूलो सकारात्मक असर पार्न सक्छ । प्लास्टिकको प्रयोग घटाउनु र हरियाली बढाउनु आजको आवश्यकता हो । आदरणीय वडा वासी जनसमुदायले जुन उत्साहका साथ सहभागिता जनाउनु भयो, त्यसले हामीलाई अझ प्रेरणा र जिम्मेवारी थपेको छ ।
कार्यक्रममा स्थानिय जनप्रतिनिधि, विद्यालयका विद्यार्थी, शिक्षक, युवा तथा महिलाहरूको उल्लेखनीय उपस्थिति रहेको थियो ।
महाराजगंज वडा नं. ८ मा विश्व वातावरण दिवस मनाइयो
