साझा न्यूज । कपिलवस्तु
माछा पोखरीमा डुबेर कपिलवस्तु नगरपालिका वडा नं. ११ अरौराकोटमा एक बालकको मृत्यु भएको छ । मृत्यु हुनेमा अरौराकोटका स्थानीय अनिल अंसारीका ५ वर्षीय छोरा सुफेल अंसारी रहेको कपिलवस्तु अस्पतालले जनाएको छ ।
साथीहरु संग खेल्न जांदा पोखरीमा डुबेर सुफेलको मृत्यु भएको स्थानीयले बताएका छन् । उनी विद्यालयबाट पढेर घरमा आएका थिए । घरबाट सुफेल साथीहरुसंग खेल्न जांदा पोखरीमा डुबेको परिवारजनले जनाएका छन् ।
पोखरीबाट उद्धार गरी निकालेर उनलाई कपिलवस्तु अस्पताल लैजाने क्रममा उनको बाटो मै मृत्यु भई सकेको कपिलवस्तु अस्पतालले जनाएको छ । मृतक सुफेल स्थानीय सिएन मेमोरियल स्कुलका विद्यार्थी हुन् ।
