काठमाडौँ- आज नेपाली बजारमा सुनको भाउ ३ हजार ८ सय रुपैयाँले घटेको छ ।
हिजो (सोमवार) ५ सय रुपैयाँले घटेको सुन मंगलवार ३ हजार ८ सयले घटेको हो।
नेपाल सुनचाँदी व्यवसायी महासंघकाअनुसार मंगलवार ३ हजार ८ सय रुपैयाँले घटेर एक तोला सुनको मूल्य २ लाख ३९ हजार ५ सय कायम भएको छ । सोमवार एक तोला सुन २ लाख ४३ हजार ३ सयमा खरिदविक्री भएको थियो । सुनको मूल्य घटेसँगै चाँदीको भाउ पनि ओरालो लागेको छ ।
आज एक तोला चाँदी ३ हजार ९० रुपैयाँमा खरिदविक्री भइरहेको महासंघले जनाएको छ । हिजो चाँदी ३ हजार १ सय ५५ रुपैयाँमा कारोबार भएको थियो ।
