तिलौराकोटलाई विश्व सम्पदा सुचिमा सुचिकृत गर्न प्रक्रिया अघि बढाइयो

नारद कोहार
कपिलबस्तु, साउन ३
प्राचिन शाक्य गणराज्यको राजधानी शहर तिलौराकोटलाई विश्व सम्पदा सुचिमा सुचिकृत गर्न प्रक्रिया अघि बढाइएको छ । विश्व सम्पदा सुचिमा सुचिकृत गर्ने प्रकृयाको शिलशिलामा संरक्षित स्मारक क्षेत्रको चार किल्ला तोक्ने सम्बन्धी सरोकारवाला संग अन्र्तक्रिया कार्यक्रम गरिएको हो ।
संरक्षित स्मारक क्षेत्र घोषणा गर्न पहिला स्थानियलाई बुझाउनु पर्ने र हामीलाई कति क्षेत्र चाहिने हो त्यसको बारेमा धारणा अउनु पर्ने कपिलबस्तु नगरपालिकाका नगर प्रमुख किरण सिंहले बताए । यस्ता किसिमका कार्यक्रम स्थानियको सहभागितामा राख्नु पर्ने नगर प्रमुख सिंहले बताए ।
सो क्षेत्र घोषण गर्न कसैलाई नकारात्मक असर पर्यो भने त्यसलाई हामी के गर्न सकिन्छ भन्ने उद्देश्यले कार्यक्रमको आयोजना गरिएको लुम्बिनी विकास कोषका पुरातत्व अधिकृत हिमाल उप्रेतिले बताए ।
जग्गा अधिग्राहण गर्न यहाको किसानलाई घाटा नपरोस तर भोलिका दिनमा विकासको कार्य गर्दा समस्य नपर्ने गरी कार्य गर्नु पर्ने लुम्बिनी बौद्ध विश्व विद्यालयका उपप्रध्यापक गुणाखर गैह्रेले बताए ।
सो विषयमा कोरोनाको कारणले बृहत् भेला सम्भव नभए पनि जिल्लाका सबै स्थानिय तह, रुचि राख्ने व्यक्ति र विभिन्न निकाय संग अझै छलफल हुनु पर्ने समाजसेवि रमेश शर्माले बताए । जग्गाको स्वरुप नविग्रेने गरी कार्य गर्नु पर्ने उनले बताए ।
पहिला हामीलाई यसको विषयमा केही थाहा नभएको तर पुरातत्व विभाग, लुम्बिनी विकास कोषले विगत ५ बर्ष देखि शाक्य गणराज्यको प्रमाणिकरण र विश्व सम्पदा सुचिमा सुचिकृत गर्ने कार्य सरहनिय रहेको जसपा नेता राम निवास यादवले बताए । उनले भने तिलौराकोट क्षेत्रलाई नगरपालिकाले विशेष ध्यान दिनु पर्ने बताए ।
संरक्षित क्षेत्र सबैको माझमा प्रष्ट आउनु पर्ने र लुम्बिनी विकास कोष, पुरातत्व विभागले आधिकारिक रुपमा कति क्षेत्र लिने हो त्यसको धारणा सार्वजानिक गर्नु पर्ने स्थानिय राम अचल यादवले बताए ।
कार्यक्रम नेपाल सरकार पुरातत्व विभाग, लुम्बिनी विकास कोष र कपिलबस्तु नगरपालिकाको संयुक्त आयोजनामा भएको हो । कार्यक्रममा लुम्बिनी विकास कोषका पुरातत्व अधिकृत हिमाल उप्रेतिको अध्यक्षता, नगरप्रमुख किरण सिंहको प्रमुख अतिथ्यता, माधव प्रसाद आचार्यको सञ्चालनमा भएको कार्यक्रममा कपिलबस्तु संग्राहलयकी प्रमुख शान्ति शेर्मा लिम्बुको स्वागतमा भएको हो ।