कपिलबस्तु, भाद्र २०
जिल्लाको शुद्धोधन गाँउपालिकाले दैनिक जीवनमा सहजाता ल्याउन १० जनालाई चार पाङ्ग्रे स्कुटी प्रदान गरेको छ ।
गाउपालिका अध्यक्ष निसार अहमद खाँ, उपाध्यक्ष सुधादेबी पाण्डेय, प्रमुख प्रशासकीय अधिकृत कृष्ण प्रसाद ज्ञवालीले उनीहरुलाई स्कुटी र साँचो हेलमेट हस्तान्तरण गरेका थिए । अपांगताका कारण हिडडुल गर्न नसक्दा कष्टकर जीवन बिताईरहेका उनहिरुलाई सो स्कुटी प्रदान गरिएको हो ।
स्कुटी टिभिएस कम्पनीको १ सय १० सिसिको रहको छ । कुल २१ लाख लागतको स्कुटी प्रदान गरिएको अध्यक्ष खाँले बताए । अघिल्ल्लो आर्थिक बर्ष पनि १० जना अपांगता भएका ब्यक्तिलाई पालिकाले स्कुटी प्रदान गरेको थियो । चालु आर्थिक बर्षकालागि पनि १० जना अपांगता भएका ब्यक्तिलाई स्कुटी प्रदान गर्न २२ लाख बजेट बिनियोजन गरिएको प्रमुख प्रशासकीय अधिकृत ज्ञवालीले बताए ।
शुद्धोधन गाँउपालिकाले वितरण गर्यो अपांगता भएका १० जनालाई स्कुटी
