नवलपरासी , ३० भदौ ÷ विश्वकर्मा बाबा पुजाको अवसरमा पश्चिम नवलपरासीको प्रतापपुर गाउँपालिका ७ आयोजनामा वडा अध्यक्ष पुरुष भलिबल प्रतियोगिता एक कार्यक्रममा बिच बुधबारदेखि गुठिसुर्यपुरामा प्रारम्भ भएको छ ।
प्रतापपुर गाउँपालिका वडा न.७ का वडा अध्यक्ष हरेन्द्र् यादवको अध्यक्षतामा उद्घाटन समारोह समपन्न भएको हो। सो अवसरमा प्रमुख अतिथि समेत रहनुभएका नेपाली काङ्ग्रेस पश्चिम् नवलपरासीका उपाध्यक्ष अर्जुन कुमार पोख्रेलले ग्रामिण भेगमा खेलाइने खेल प्रतियोगिताबाट पनि उत्कृष्ट खेलाडी उत्पादन गर्न सकिने धारणा राख्नुभएको थियो ।
कार्यक्रममा संविधान सभा सदस्य देवकरण कलवार, प्रतापपुर गाउँपालिका का.वा. अध्यक्ष अन्जु कुमारी चौधरी,युवा समाजसेवी उमेश चन्द्र यादव,मुकुल कुमार आचार्य लगायतले खेलकुदको महत्वमाथी प्रकाश पार्नुभएको थियो ।
स्वास्थ्यका लागि खेलकुद,राष्ट्रका लागि खेलकुद भन्ने नाराका साथ प्रारम्भ भएको खेलकुदमा २५ टिमको सहभागिता रहेको आयोजकले बताएको छ । भलिबल प्रतियोगिता असोज ३ गते संचालन हुने जानकारी गराइएको छ ।
