पुर्वी नवलपरासी विनयी त्रिवेणी गाउँपालिका वडा न. २ अन्तर्गत रहेको जनजागृती आधारभुत विध्यालयको चार कोठा भवन एक कार्यक्रमका बिच शिलन्यास गरिएको छ। विध्यालय व्यवस्थापन समितिका अध्यक्ष विष्णुप्रसाद ढकालको अध्यक्षता तथा विनयी त्रिवेणी गाउँपालिका अध्यक्ष डन्बरबहादुर जिसिको प्रमुख आतिथ्यतामा शिलान्यास कार्यक्रम सम्पन्न भएको हो।
चार कोठा भवनको शिलान्यास गर्दै प्रमुख अतिथी जिसिले शिक्षालाई सर्वसुलभ गराएर अगाडि बढ्नुपर्ने समयको माग बमोजिम विध्यालयलाइ स्तर उन्नती गर्दै लैजाने धारणा राख्नुभयो। विध्यालयकै प्रधानाध्यापक चन्द्रकला कार्कीले कार्यक्रमको उद्देश्य माथी प्रकाश पार्दै राष्ट्रपति शैक्षिक सुधार अन्तर्गत १८ लाख र जिल्ला समन्वय समिती तथा विनयी त्रिवेणी गाउँपालिकाबाट १५ लाख गरि कुल ३३ लाखको लागतमा भवन निर्माण गरिने जानकारी दिनुभयो। कार्यक्रममा विध्यालय समितिका पदाधिकारी शिक्षक,अभिभावक वर्गको उपस्थिति रहेको शिक्षक मदन बहादुर जिसिले जानकारी दिनुभएको छ। शिलन्यास भएको चार कोठे भवन दुई वर्षभित्र नै सम्पन्न गरिने पनि विध्यालय श्रोतले बताएको छ।
