कपिलवस्तु असोज
कांग्रेस कपिलवस्तुको ९६ वडामा असोज ७ गतेका लागि तोकिएको वडा अधिबेशनको तयारी पुरा भएको छ । यस अघि असोज ५ गतेका लागि तोकिएको वडा अधिबेशन समायोजन लिस्ट सयममा नआउदा असोज ७ कालागि तोकिएको थियो । असोज ५ गते राति समायोजन लिस्ट आए पछि असोज ७ गते वडाको अधिबेशन हुने निश्चित भएसंगै तयारी समेत तीब्र पारिएको पार्टी सभापति सुरेन्द्रराज आचार्यले बताए ।
केन्द्रिय प्रतिनिधि घनश्याम पन्त अनुसार समयोजन लिस्टबाट कुल १९ सय ४९ जना नया क्रियाशील सदस्यहरुको नामावली आएको छ । जसमा अभिषेका प्रताप शाहको ७ सय २५, अजय थापाको २ सय २८, दीर्घनारायण पाण्डेयको ४ सय ११ र सुनिल थापाको ५ सय ५५ जनको समायोजन लिस्ट आएका छ । अब नया क्रियाशील ७ हजार २५९ र नबिकरण ५६ सय ५४ जना गरी कुल १२ हजार ९१३ जना क्रियाशील सदस्य भएका छन ।
९६ वडा अधिबेशनबाट १७ सय बढी क्षेत्रीय प्रतिनिधि छानिएर आउने केन्द्रिय प्रतिनिधि पन्तले बताए । शिक्षक संघका जिल्ला अध्यक्ष अफाक अहमद खाले वडाधिबेनका लागि केन्द्रिय प्रतिनिधिलाई शिक्षकको लिस्ट पठाई सकिएको बताए । केन्द्रिय प्रतिनिधि पन्तले असोज ६ गते शिक्षकहरुलाई निर्वाचन संबन्धी अभिमुखीकरण गरी कार्यक्षेत्रमा पठाईने बताए । नियुक्ती पत्र, निर्वाचन निर्देशिका, निर्वाचन सामाग्री दिएर शिक्षकहरुलाई कार्यक्षेत्रमा पठाईने तयारी गरिएको उनले बताए ।
वडा अधिबेशन पछि बल्ल अर्कौ चरणको निर्वाचनमा आफुहरुले ध्यान केन्द्रित गर्ने उनले बताए । वडा अधिबेशन हुने भए पछि अहिले कपिलवस्तुमा कांग्रेसको चुनावी सरगर्मी बढेको छ । नगर गाउ पालिका अधिबेशन असोज ९, प्रदेश क्षेत्रीय समितिको असोज १२, सघीय क्षेत्रीय समितिको असोज १५ र जिल्लाको निर्वाचन असोज १८ गतेकालागि तोकिएको छ ।
कपिलवसतुमा ६ नगरपालिका, ४ गाउपालिका, ६ वटा प्रदेश निर्वाचन क्षेत्र तथा ३ वटा संघीय निर्वाचन क्षेत्र छन । कांग्रेस सभापति आचार्य अनुसार निर्वाचनमा सहमितिको अधिकत प्रयास गरिने बताए । अधिकांस वडामा सहमति कै आधारमा समिति गठन हुने कांग्रेस नेताहरु बताउछन ।
कांग्रेस कपिलवस्तु निर्वाचन, ९६ वडा अधिबेशनको तयारी पुरा
