निजी क्षेत्रको सहयोगका लागी प्रदेश सरकारले सकारात्मक – मन्त्री शाही

बुटवल । लुम्बिनी प्रदेश सरकारका उद्योग , वाणिज्य तथा आपुर्ति मन्त्री अजय शाही निजी क्षेत्रको सहयोगका लागी प्रदेश सरकारले सकारात्मक रहेको बताउनुभएको छ ।
लुम्बिनी बस टर्मिनल बुटवलले बसपार्कमा निःशुल्क १ महिने आँखा चेकजाँच, सुगर रोगको जाँच, ब्लड प्रेसरको जाँच हुने शिविरको एक कार्यक्रम बिच उद्घाटन गर्दै मन्त्री शाहीले यस्तो बताउनुभएको हो ।
कार्यक्रममा बोल्दै मन्त्री शाहीले एक महिनासम्म सञ्चालन हुने शिविरले गरिब तथा दुःखीलाई निकै सहयोग पुग्ने बताउँदै समाज सेवा गर्ने भाव सबैमा आएमा समाज परिवर्तन हुने बताउनुभयो । उहांले यस्ता किसिमका कामहरूलाई प्रदेश सरकारले पनि आवश्यक सहयोग गर्ने प्रतिवद्धता व्यक्त गर्नुभयो ।

कार्यक्रममा बोल्दै बस टर्मिनल परिवारका अध्यक्ष हरि क्षेत्रीले यो शिविर गरिब तथा बिपन्नका लागि लाभदायक हुने बताउनुभयो । उहांले अति विपन्न वर्गलाई मोतिबिन्दु लागेको र उपचार खर्च अपुग भए आवश्यकता अनुसार निशुल्क उपचार समेत गरिने बतााउनुभयो ।
कार्यक्रममा विभिन्न लायन र लियो क्लबका पदाधिकारीहरूको सहभागिता रहको थियो। शिविरलाई लायन्स क्लब अफ बुटवल मुक्तिनाथ,लायन्स क्लब अफ बुटवल क्यापिटल, लायन्स क्लब अफ बुटवल मणिमुकुन्द, लायन्स क्लब अफ बुटवल सिटि,लायन्स क्लब अफ सैनामैना सालझण्डी, लियो क्लब अफ बुटवल मणिमुकुन्द युथ, लियो क्लब अफ बुटवल गोल्डेन जुब्ली र लियो क्लब अफ बुटवल मणिमुकुन्दले सहयोग गरेका छन् । लायन र लियो क्लबको सहआयोजना तथा बुटवल आँखा अस्पतालको मुख्य सहयोगमा शिविर सञ्चालनमा आएको हो । साभार ःwww.globalaawaj