साझा न्यूज । तौलिहवा
महान चाड दशैको अवसरमा कपिलवस्तुको तौलिहवा स्थित नेपाल बाल संगठन द्धारा सञ्चालित बालगृहमा सामुहिक टीका लगाइएको छ । बिजया दशमीको दिन शुक्रवार नेपाल बाल संगठनका पदाधिकारीहरुले बालगृहमा रहेका २६ जना बेसाहरा बालकहरुलाई सामुहिक टीका लगाएका हुन । गृहमा रहेका बालकहरुलाई निधारमा टीका र जमरा लगाई दक्षिणा आषिष समेत दिएका थिए । अभिभावक गुमाएर बेसाहार बने पछि आफनो संरक्षणका लागि बालकहरु बषौ देखि बालगृहमा बस्दै आएका छन ।
‘दशैका बेला बालगृहमा रौनक र उल्लास ल्याउन हामीले उनीहरुलाई सामुहिक टीका लगाएका हौ ’ नेपाल बाल संगठनका अध्यक्ष गोपाल मणि ज्ञवालीले भने ‘सामाजिक उत्तरदायित्व बहन गर्दै बालकहरुको अभिभावककारुपमा हामीले यो कार्य गरेका हौ’ उनले भने । आफुहरुले हरेक चाडवाडमा बालकहरुलाई सामुहिकरुपमा शुभकामना आदानप्रदान र रमाईलो गर्ने गरेको उनले बताए । अधिकारकर्मी रबि ठाकुरले बालगुहका पदाधिकारीहरुले रचनात्मक काम गरेकोमा प्रशंसा गरे । उनले आफु पनि सो कार्यमा सरिक हुन पाउदा निकै खुशी लागेको बताए ।
हामीले गरेको सानो कामले बालकहरुको मुहारमा खुशी देख्दा मन आनन्दीत भाएको संगठनका सचिव श्याम प्रजापतिले बताए । दशैका बेलमा टिका लगाउन पाउदा बालगृहका बालकहरु निकै खुशी भएका थिए ।
बालगृहमा रहेका बच्चाहरुले पनि दशैको अवसरमा सामुहिक टीका लगाए
