कपिलवस्तु ३० कार्तिक
बाणगंगा सिंचाई जलउपभोक्ता संस्था मुल समिति कपिलवस्तुको आठौ साधारण सभा कापिलवस्तुको तौलिहवा संपन्न भएको छ । साधारण सभामा सम्बोधन गर्दै बाणगंगा सिंचाई विकास डिभिजन कार्यालयकी प्रमुख कोपिला श्रेष्ठले बाणगंगा सिंचाईको लक्ष्मणघाट टाउको र जगदीपुर ताल मुटु भएकाले यसको संरक्षण गरिनु पर्ने बताईन । जिल्ला कै सबै भन्दा पुरानो र ठुलो सिचाई प्रणालीमा अहिले बृहद आयोजना नहुदा समस्या भएको बताईन ।
उनले अहिले विकासको नाममा नहर क्षेत्र कै बाटोमा पिच लगायका सडक बनाईदा मर्मत संभार गर्न गाह्रो परेको बताईन । उनले बाणगंगा नहरको विकास र संरक्षणमा उपभोक्ताले पनि चासो र ध्यान दिनु पर्ने बताईन ।
सो अवसरमा नेपाली कांग्रेस उप सभापति रामआषिष पाण्डेयले बाणगंगा नहर कृषकहरुका लागि बरदान नै भएकाले यसको संरक्षण र विकासमा चासो दिनु पर्ने बताए । कार्यक्रम संस्थाका पु्र्व अध्यक्ष नारायण बहादुर सिंहले उपभोक्ता समितिले नहरको विकासमा चासो दिनु पर्ने बताए ।
सो अवसरमा बृज बिहारी शुक्लाले संस्थाको आर्थिक र कोषाध्यक्ष सुनिल श्ुक्लाले प्रगति प्रतिबेदन प्रस्तुत गरेका थिए । मेवालाला यादवको अध्यक्षता, जगदीश (दिनेश) पाण्डेयको संचालनमा भएको कार्यक्रममा संस्थाका निबर्तमान अध्यक्ष नारायण बहादुर सिंह, जिल्ला सिंचाई विकास डिभजिन कार्यालयका प्रमुख पुरुषोत्तम उपाध्याय, संस्थाका उपाध्यक्ष मोहन शर्मा लगायतले शुभकामना मन्तब्य दिएका थिए । सभाले बिधान अनुसार कार्य समितिको म्याद एक बर्ष थपेको अध्यक्ष यादवले बताए । बाणगंगा सिंचाईबाट ६ हजार २ सय बढ हेक्टरमा सिंचाई हुने गरेको छ ।
बाणगंगा सिंचाई जलउपभोक्ता संस्था मुल समिति कपिलवस्तुको आठौ साधारण सभा
