कपिलवस्तु २१ मंसिर
पशु सेवा बिज्ञ केन्द्रको कार्यक्रमलाई थप प्रभावकारी बनाउन कपिलवस्तुमा हरित स्वयमसेवक समिति गठन गरिएको छ । भेटनरी अस्पताल तथा पशु सेवा बिज्ञ केन्द्रद्धारा तौलिहवामा आयोजित हरित स्वयम सेवकलाई क्षमता अभिबृद्धि कार्यक्रममा राम प्रकाश थारुको अध्यक्षतामा नौ सदस्यीय समिति गरिएको हो । समितिको उपाध्यक्षमा रामकृष्ण यादव, सचविमा पारशमणि भुसाल, कोषाध्यक्षमा गोपाल कोईराला र सह सचिवमा कुन्ज बिहारी यादव रहेका छन । यस्तै समितको सदस्यमा प्रेम नारायण पाण्डेय, गोबिन्द कुर्मी, जगदीश कोरी र रामसुबिरन कुर्मी रहेका छन ।
कार्यक्रममा स्वयम सेवकले गरेको कामहरुका बिषयमा समिक्षा समेत गरिएको थियो । सो अवसरमा बिज्ञ सेवा केन्द्रका प्रमुख उत्तम आचार्यले स्वयमसेवकहरुले बिज्ञ केन्द्रहरुको सहयोमगा संचालित बिभिन्न कार्यक्रमहरुलाई थप प्रभावकारी बनाउनु पर्ने बताए । उनले पशुपालन, कुखुरापालन, मत्सय पालनकालागि कृषकहरुलाई थप जागरुक र उत्साही बनाउन स्वयमसेवकले पहल गर्नु पर्ने बताए । उनले स्यमसेवकहरुले कार्यक्रम बारे प्रचारप्रसार समन्वय गरी कृषक र बिज्ञ केन्द्र बिच पुलको काम गर्नु पर्ने बताए । सो अवसरमा आचार्यले बिज्ञ केन्द्रहरुद्धारा बिगत र यस बर्ष संचालित कार्यक्रमका बिषयमा जानकारी समेत गराएका थिए ।
कार्यक्रममा स्वयमसेवकहरुले आफनो क्षेत्रमा संचालित कार्यक्रमको प्रगतिका बिषयमा जानकारी गराएका थिए । सो अवसरमा समितिका अध्यक्ष थारुले आफुले समितिलाई सकृय बनाई बिज्ञ केन्द्रको कामलाई प्रभावकारीरुपमा संपन्न गर्न सक्दो पलह गर्ने बताए । बिज्ञ केन्द्रका प्रमुख आचार्यको अध्यक्षता, गणेश पुनको स्वागतमा भएको कार्यक्रममा कार्यक्रमको औचित्य बारे रुची श्रीवास्तवले प्रकाश पारेकी थिईन ।
