कपिलवस्तु २१ मंसिर
कपिलवस्तुलाई बाल बिवाहमुक्त बनाउन आफुहरुले पहल गर्ने कपिलवस्तुका मुस्लिम धर्मगुरुहरुले प्रतिबद्धता ब्यक्त गरेका छन । युएनएफपिएको सहयोगममा आड्रा नामक संस्थाले तौलिहवामा बाल बिवाह अन्त्य कार्यक्रम अन्र्गत मुस्लिम धार्मिक गुरुहरुलाई बाल बिवाह अन्त्य संबन्धी कार्यक्रममा उनीहरुले सो प्रतिबद्धता ब्यक्त गरेका हुन । सरकारले नेपाललाई सन २०३० भित्र बाल बिवाहमुक्त बनाउने अभियानमा आफुहरुको समेत साथ रहेको उनीहरुले बताए ।
आईसा गल्र्स कलेज कृष्णनगरका मौलाना महसुद नेपालीले कपिलवस्तु सहीत देशलाई नै बाल बिवाहमुक्त बनाउन आफुहरुले हर तरहले सहयोग र साथ दिने बताए । उनले अभियानलाई सबै समुदायले साथ दिनु पर्ने बताए । सो अवसरमा सहजकर्ता तालिह हुसेनले बाल विबाह नियन्त्रण र न्युनीकरण गर्ने उपाय बारे जानकारी दिदै महिलाहरुलाई सशक्त बनाउनु पर्ने बताए । महिलाहरु साक्षर र सक्षब नबनाई बाल बिवाह अन्त्य गर्न गाह्रो हुनृ उनले बताए । ‘ महिलाहरुको सक्षरता स्थितिलाई माथी नउठाईकन बाल बिवाह अन्त्य हुन गाह्रो छ, त्यसैले सबैले महिलाहरुलाई शिक्षित बनाउन जरुरी छ ’ उनले भने ।
सो अवसरमा युनएफपिएका कपिलवस्तु संयोजक चित्र महतोले बाल बिवाहको अवस्था बारे चर्चा गर्दै बाल बिवाह अन्त्यकालागि सबैले साथ दिनु पर्ने बताए । उनले बाल बिवाह अन्त्यकालागि पालिकाहरुले रणनीतिक योजना बनाई अघि बढनु पर्ने बताए । सो अवसरमा बाल बिवाह अन्त्यकालागि के कस्तो कदम चाल्नु पर्छ त्यस बारे सामुहिक छलफल समेत गरिएको थियो । नेपाल सरकारले मुलकलाई सन २०३० भित्र बाल बिवाहमुक्त बनाउने लक्ष्य लिएको छ ।
सन २०१४ मा गरिएको अध्ययन अनुसार तराईको कपिलवस्त, रौतहर र सप्तरीमा तथा पहाडको बझाङ, दैलेख र बैतडीमा बढी बाल बिवाह हुने गरेका छ । अध्ययनले दलित, जनजाति र मुस्लिम समुदायमा बढी बाल बिवाह हुने गरको देखाएको छ । कार्यक्रममा आन्ड्राका कार्यक्रम संयोजक राजीव यादव र प्रशिक्षक चेतराज पंडीतले बाल बिवाहका बिषयमा प्रस्तुती गरेका थिए । कार्यक्रममा २ दर्जन मुस्लिम धर्मगुरुहरु सहभागी थिए ।
