कपिलवस्तु ६ पुस
ब्यवसायिक कृषि खेती तर्फ आकर्षित गर्न कपिलवस्तु नगरपालिका वडा नम्बर ३ ले ५ सय बढी कृषकलाई च्याउ र प्याजको बीउ सहीत बिषादी प्रदान गरेको छ । प्रति कृषक एक प्याकेट च्याउको बीउ, सय ग्रामको एक प्याकेट प्याजको बीउ र डडुवा रोग नियन्त्रणका लागि बिषादी एक प्याकेट उपलब्ध गराइएको हो । नागरिकताको फोटोकपी पेश गरेर आफनो नाम दर्ता गराएका कृषकलाइृ सो प्रदान गरिएको हो ।
कृषकहरुलाई सो बीउ सहीतका सामाग्री हस्तान्तरण गर्दै वडा अध्यक्ष प्रकाश गैरेले कार्यक्रमको शुभारम्भ गरको थिए । वडाअध्यक्ष गैरेले कृषकहरुलाई प्रोत्साहीत गर्न वडाले यो कार्यक्रमको शुभारम्भ गरेको बताए । उनले वडामा रहेको सीमित बजेटबाट कृषकहरुलाइृ न्युनरुपमा बीउ उपलब्ध गराइएको बताए । उनले वडाले एक घर एक कसेरा बारी अभियान चलाउनकालागि आफनो योजना बनाएको बताए ।
बीउ लिन वडा कार्यालय आएका कृषकहरुले नगरपालिका र वडाहरुले कृषकहरुलाई प्रोत्साहीत हुने खालका कार्यक्रम ल्याउनु पर्ने माग गरेका छन । उता गहु लगायतका बालीलाई आवश्यक पर्ने बेलामा रसायनिक मलको यस बर्ष पनि अभाव भएको भन्दै वडा अध्यक्ष गैरेले सरकाले डिएपी र युरिया मल तत्कालै उपलब्ध गराउनु पर्ने माग गरेका छन ।
उनले गहु, तोरी लगायतका बालीलाइृ चाहिएको बेला कृषकहरुले मल नपाउदा मर्कामा परेको उनले बताए । उनले मलखाद र सिंचाईको सुबिधाकालागि ३ वटै तहका सरकारले ठास योजना सहीत बिशेष पहल गर्नु पर्ने बताए ।
कृषकलाई च्याउ र प्याजको बीउ सहीत बिषादी प्रदान
