कपिलबस्तुमा यातायात व्यवस्था सेवा कार्यालय उद्घाटन

नारद कोहार
कपिलबस्तु, फागुन ४ । कपिलबस्तुको सदरमुकाम तौलिहवामा एक कार्यक्रमका विच यातायात व्यवस्था सेवा कार्यालयको उद्घाटन गरिएको छ । सेवा कार्यालयको उद्घाटन लुम्बिनी प्रदेशका भौतिक पूर्वधार विकास मन्त्री सहसराम यादव र श्रम, रोजगार तथा यातायात व्यवस्था मन्त्री पुर्मती ढेगामगरले सयूक्त रुपमा गर्नु भएको हो ।
सो अवसरमा बोल्दै मन्त्री यादवले धर्मिक एवम् पुरातत्वीक रुपमा भरी पूर्ण रहेको कपिलबस्तु नगरपालिकालाई सांस्कृतिक नगरपालिका बनाउनु पर्ने बताउनुभयो । उहाँले भन्नुभयो “कपिलबस्तुमा संग्रहालयको व्यवस्थापन गरेर यहा रहेका धरोहर, सांस्कृतिलाई व्यवस्थापन गरेर सांस्कतिक राजधनी बनाउने अठोट प्रदेश सरकारले लिएको बताउनुभयो ।”
लुम्बिनी प्रदेशको स्थायी राजधानी दाङ देउखुरीमा बनाउन सफल भएको उहाँले बताउनुभयो । सेवा कार्यालयको लागि आवश्यक पर्ने जनशक्ति, जग्गाको व्यवस्थापन गर्न लुम्बिनी प्रदेश सरकारले बजेट उपलब्ध गराउने मन्त्री यादवले बताउनुभयो । मन्त्री यादवले भन्नुभयो “कपिलबस्तुको विकासका लागि छोटो समयमा शिक्षा स्वास्थ्य, भौतिक पूर्वधार लगायतको क्षेत्रमा उल्लेखनिय विकास गरेका छौ ।”
कार्यक्रममा बोल्दै मन्त्री ढेगामगरले सेवाग्राहीलाई सहजताको लागि सो सेवा कार्यालयको स्थापना गरिएको बताउनुभयो । आगामी दिनमा यस सेवा कार्यालयलाई विस्तार गर्दै चालक अनुमतिपत्र वितरण र नवीकरण समेतको सेवा विस्तार गर्ने प्रतिबद्धता उहाँले गर्नु भएको छ । उहाँले भन्नुभयो “संघियताको मर्मलाई बुझेर उक्त सेवा कार्यालयको शुभारम्भ गरिएको छ ।”
कार्यक्रममा प्रदेश सभा सदस्य एवम् पूर्व मन्त्री धर्म बहादुरलाल श्रीवास्तवले जिल्लाको विकासका लागि सबै एक जुट भएर लाग्नु पर्ने उहाँले बताउनुभयो । कार्यालयले शुसासनमा जोड दिदै कार्यालयको काम गर्नु पर्ने प्रमुख जिल्ला अधिकारी चक्रपाणी पाण्डेले बताउनुभयो ।
यस सेवाका कार्यालयबाट विल बुक नविकरण, रुट प्रामिट, सवारी जाँच पास, पटके सेवा (अस्थाई रुट ईजाजत) लगायतको सेवा दिइने कार्यलयका प्रमुख राजन केसीले बताउनुभयो ।
कार्यक्रममा जनता समाववादी पार्टीका प्रदेश उपाध्यक्ष अब्दुल रसिद खाँ, जसपाका जिल्ला अध्यक्ष शैलेन्द्र कुमार यादव, तौलिहवा, उद्योग वाणिज्य संघका अध्यक्ष गयादीन कुर्मी, लोसपाका नेता कलिपद शर्मा जनसन, गोपि कृष्ण शर्मा, नेकपा एमालेका नेता किरण देवाकोटा, प्रहरी उपरिक्षक दान बहादुर कार्की, कपिलबस्तु नगरपालिकाका वडा अध्यक्ष सुदीप पौडेल, विभिन्न कार्यालयका प्रमुख एव्म प्रतिनिधि लगायतको सहभागिता रहेको थियो ।
कार्यक्रम श्रम, रोजगार तथा यातायात व्यवस्था मन्त्रालयका सचिव दिपकराज नेपालको अध्यक्षतामा भएको कार्यक्रमको सञ्चालन सेवा कार्यालयका प्रमुख राजन केसीले गर्नु भएको हो ।