कपिलवस्तु १० चैत
कपिलबस्तु अस्पताल न्युनतम सेवा मापदन्डमा लुम्बिनी प्रदेश मै उत्कृष्ठ बनेको छ । कुल ८७ अंक हासिल गर्दै अस्पताल प्रदेश मै पहिलो भएको हो । कपिलवस्तु अस्पतालमा लुम्बिनी प्रदेश अस्पतालहरुको न्युनतम सेवा मापदण्ड मुल्यांकन फलोअप तथा समिक्षा कार्यक्रममा स्वास्थ्य जनसंख्या तथा परिवार कल्याण मन्त्रालय स्वास्थ्य निर्देशनायलयका प्रतिनिधि तथा बर्दिया अस्पतालका मेसु सुबास पाण्डेयले सो कुरा सार्वजनिक गरेका हुन ।
चालु आर्थिक बर्षको साउन देखि पुस सम्मको ६ महिनाको अवधिमा प्रदेशका अस्पतालमा आएको नजिता अनुसार कपिलवस्तु अस्पताल प्रदेश कै उत्कृष्ठ बनेको उनले बताए । उनले कपिलवस्तु अस्पतालले कुल ९ सय ३९अंक हासिल गरेको बताए । ‘कपिलवस्तु अस्पतालमा पहिलो भन्द धेरै नै सुधार भएका छन’ उनले भने । अस्पतालमा कन्सलटेन्सी डाक्टरको उपलब्धता, अक्सिजन प्लान्ट, डिजिटल नागरिक वडा पत्र सेवाको सन्तुष्टी लागतयका राम्रो कुराहरु देखिएको उनले बताए ।
सोही अवधिका बर्दिया अस्पतालले भने ८६ अंक सहीत दोश्रो रहेको उनले बताए । सो अवसरमा प्रजिअ चक्रपाणी पाण्डेयले अस्पताल प्रदेश मै उत्कृष्ठ ठहरिएकोमा बधाई दिदै अस्पतालमा भएको राम्रा काम र सेवाहरुको प्रचार गर्नु पर्ने बताए । उनले अस्पतालमा आईसियु, अक्सिजन प्लान्ट जडान र पिसिआर मेशीन समेत हुनु निकै सकारात्मक कुरो भएको बताए । उनले अस्पतालले बिरामीहरुको बिश्वास जित्ने गरी काम अघि बढाउनु पर्ने बताए ।
सो अवसरमा एचडिका फोकल पर्सन कौलश भन्डारीले ६ महिनाको अवधिमा २५ हजार बढी बिरामीलाई सेवा दिनु आफैमा राम्रो काम भएको बताए । उनले अस्पतालमा तथ्यांकहरुको राम्रो ब्यवस्थापन सहीत केही कुरा सुधार गरिए कपिलवस्तु अस्पताल देश कै नमुना बन्ने बताए । सो अवसरमा अस्पताल बिकास समितिका अध्यक्ष शिवलाल यादवले अस्पतालमा प्रतिबद्धता भन्दा पनि राम्रो सेवा दिएर जनताका मन जित्नु पर्ने बताए । सो अवसरमा कपिलवस्तु अस्पतालका मेसु किशोर बन्जाडोले सबैको अथक प्रयास पछि अस्पताल प्रदेश मै पहिलो बन्न सफल भएको भन्दै खुशी ब्यक्त गरे ।
उनले अस्पतालमा रहेका सेवा सुबिधा र प्रगति बिवरण सार्वजनिक गर्दै बजेट अभावले कर्मचारी ब्यवस्थापनमा भने समस्या आएको बताए । बिगत बर्षहरुमा जस्तै सघ र प्रदेश सरकारबाट बजेट उपलब्ध हुन नसकेकोले कर्मचारीहरुलाई तलब खुवाउन समेत गाह्रो परेको बताए । सो अवसरमा राम्रो काम गरेको भन्दै अस्पतालकी अनमी सुकमाया थापालाई नगद १० हजार र प्रशंसा पत्रले सम्मानित गरिएको थियो ।
लुम्बिनी प्रदेश कै उत्कृष्ठ बन्यो कपिलवस्तु अस्पताल
