साझा न्यूज । तौलिहवा
महिलाहरुको अर्थपूर्ण सहभागिता लैंग्कि समानताको लागि महिलाको नेतृत्व विषयक गोष्ठी कार्यक्रम सम्पन्न भएको छ । कार्यक्रम केएर नेपाल, ओरेक र दलित सामाजिक बिकास केन्द्रको सहयोग तथा किशोरी अधिकार मञ्च र महिला मानव अधिकार रक्षकहरुको सञ्जाल कपिलबस्तुको आयोजनामा भएको हो ।
सो कार्यक्रममा जिल्ला समान्वय समितिका उप प्रमुख तरावति चौधरी, नेकपा एमालेका बाबुरामा खनाल, कपिलबस्तु नगरपालिका वडा नं. ३ का वडाध्यक्ष रुद्र प्रसाद गैरे, बहुजन शक्ति पार्टीका इन्द्र प्रसाद हरिजन, निर्वाचित महिला जनप्रतिनिधि, अगामी निर्वाचनमा सम्भावित उम्मेदवार लगायत विभिन्न पार्टीका प्रमुख एवम् प्रतिनिधि गरी ४५ जनाको सहभागिता रहेको थियो ।
कार्यक्रमा मानव अधिकार र सांस्कृतिक अभियानका संयोजक संगिता मैनालीले नेपालमा महिलाको नेतृत्व, महिलाको नेतृत्व सुनिश्चित गर्ने केहि प्रावधानहरु, महिला सहभागिताको बर्तमान अवस्था, महिलाको अर्थपुर्ण सहभागिताको अबस्था र चुनौति तथा महिला र किशोरीका सवालहरु लगायतको विषयमा प्रस्तुतिकरण गर्नु भएको हो ।
कार्यक्रममा सहभागि भएका महिलाहरुलाई महिलाको नेतृत्व, किन आवश्यक, महिलाको अगामी निर्वाचनमा नेतृत्व सुनिश्चत गर्न आफ्नो पार्टीमा कुराहरु कसरी राख्ने र महिलाको अर्थपुर्ण सहभागिताका लागि पार्टीले के गर्नु पर्ला लगायतको विषयमा छलफल गरिएको दलित समाजिक विकास केन्द्रका कार्यकारी निर्देशक राम शरण रैदासले बताउनुभयो ।
सो कार्यक्रम वोरेक नेपालका फिल्ड संयोजक धनकुमारी चौधरीको सञ्चालन र संगिता चौरसियाको व्यवस्थापनमा भएको हो ।
लैंगिक समानताको लागि महिलाको नेतृत्व विषयक गोष्ठी
