प्रशासनद्धारा म्याद गुज्रिएको खाद्य सामाग्री बरामद गरि नष्ट

तौलिहवा, २७ गते । जिल्ला प्रशासन कार्यालय कपिलबस्तुद्धारा म्याद गुज्रिएको खाद्या सामाग्री बरामद गरि नष्ट गरेको छ । सहायक प्रमुख जिल्ला अधिकारी अनिल पौडेलको नेतृत्वमा सदरमुकाम तौलिहवामा गएको अनुगमन टोलीले म्याद गुज्रिएका खाद्य तथा फैन्सी सामाग्री बरामद गरि नष्ट गरेको हो ।
करिब ६ महिना पछि तौलिहवा बजार अनुगन गरेको जिल्ला प्रशासनले बजारका धेरै जसो खुद्रा पसलहरुबाट म्याद गुज्रिएका दैनिक उपभोग्य सामान बरामद गरेर ल्याएको हो । टोलिले सदरमुकाम तौलिहवाको करिब एक दर्जन भन्दा बढी किरना पसल तथा फैन्सी स्टोरमा अनुगमन गरेको हो ।
बजार अनुगमनको अधिकार स्थानीय सरकारमा छ तर नियमन निकाय जिल्ला प्रशासन भएको र नागरिकको गुनासो बढेपछि आफै बजार अनुगमनमा गएका सहायक प्रमुख जिल्ला अधिकारी पौडेलले बताउनुभयो । उहाँले भन्नुभयो ‘बजारमा होलसेल पसलले भन्दा पनि खुद्रा पसलेहरुले मनपरि मिति सकिएका खाद्य सामाग्री बिक्रि गरेको जानकारी पाएपछि अनुगमन तिब्र पारेको हो ।’ उहाले अनुगमनलाई अझै तिब्र पारिदै लगिने र फेरि गलत गरेको भेटिए कानुन बमोजिम कारवाही गरिने बताउनुभयो ।
सामान लिने नागरिक सचेत हुन आग्रह गर्दै उपभोक्ताको स्वास्थ्यमा खेलवाड गर्नेलाई मुक्ति नदिने उहाले बताउनुभयो । अनुगमनका क्रममा प्रशासनका अधिकृत बाबुराम पोखरेल, खाद्य प्रविधि तथा गुण नियन्त्रण डिभिजन कार्यालय कपिलबस्तुका प्रमुख शिव शंकर मिश्र, घरेलु तथा साना उद्योग कार्यालयका विष्णु पोखरेल, शसस्त्र प्रहरी नायब उपरिक्षक गोपाल श्रेष्ठ, उद्योग बाणिज्य संघका सदस्य चन्द्र शेखर गुप्ता लगायतको सहभागिता रहेको थियो । यो समाचार आजको साझा न्यूजमा प्रकाशित छ ।