काठमाडौं । गर्मीको समयमा खानपानमा धेरै ध्यान राख्नुपर्ने हुन्छ । गर्मीको समय सुरु भएसँगै खानेकुरामा पनि विशेष सावधानी अपनाउनुपर्ने हुन्छ । त्यसैले गर्मीमा कस्ता किसिमको खाना खाने भन्ने कुरामा ध्यान दिन आवश्यक हुन्छ ।
गर्मी मौसममा धेरै तिर्खा लाग्छ । यो समयका कागती पानी, सर्वत पानी तथा ताजा फलफूलको जुस सेवन गर्न आवश्यक हुन्छ । गर्मी मौसममा मौसमी फलफूल खानुपर्ने हुन्छ तथा सागसब्जी खानु राम्रो मानिन्छ । बेमौसमी फलफूलका लागि विभिन्न औषधि र प्रविधिको प्रयोग गरिने हुँदा यस्ता तरकारीको प्रयोगले संक्रमणको सम्भावना बढ्न सक्छ ।
बासी खाना नखाने
गर्मीमा हैजा, डायरिया, डिहाइड्रेसन, फुड पोइजनिङ, तथा ग्याँस्टिक जस्ता विरामी हुनबाट बच्नको लागि बासी खाना खानु हुदैन ।
धेरै नखाने
गर्मीमा धेरै खाने काम भुलेर पनि गर्नु हुदैन । बाहिर तिर तारेको भुटेको खानाबाट टाढै रहनु पर्दछ । धेरै कफी चिया पिउनु पनि राम्रो हुदैन । यसको सट्टा लेमन टी, हर्वल टी को प्रयोग गर्न भने राम्रो हुन्छ । यो मौसममा हल्का, स्वस्थ खालको खाना खानु पर्दछ ।
थोरै थोरै खाने
यो मौसममा पाचन क्षमताको घटेर जान्छ । यसकारण एकैचोटी धेरै खाना खादा पचाउन गाह्रो पर्दछ । समय समयमा थोरै थोरै खान आवश्यक हुन्छ । यसको साथै कसरत गर्नु पनि आवश्यक हुन्छ । र बिहान बेलुका हिडडुल गर्ने बानी गर्दा राम्रो हुन्छ ।
काटेर राखेको फलफूल नखाने
गर्मी मौसममा संक्रमणको धेरै डर हुन्छ । यसबाट बच्नको लागि काटेर राखेको फलको सेवन गर्नु पनि राम्रो मानिदैन । खाने बेलामा मात्र काटेर खाने गर्नुपर्दछ ।
