नेपाली काङ्ग्रेस नवलपुरको विस्तारित बैठक बि.पि. भवन कावासोतिमा सम्पन्न भएको छ। नेपाली काङ्ग्रेस नवलपुर जिल्ला कार्य समितिका सभापति एवम् संबिधान सभा सदस्य महेन्द्र ध्वज जिसिको अध्यक्षतामा बैठक सम्पन्न भएको हो। विस्तारित बैठकमा सभापती जिसिले वैशाख महिनामा सम्पन्न स्थानिय तहको निर्वाचनमा अनुशासनहिन काम गरेर पार्टीको आधिकारिक उम्मेदवारलाई असहयोग गर्ने नेता , कार्यकर्तालाई कारवाहिको निमित्त वडा कार्य समितिलाई पत्रचार गरिएको जानकारी दिदै पार्टी संगठनलाइ बलियो बनाउन सबैमा आग्रह गर्नुभएको थियो।
जिल्ला समितिको बैठकमा पार्टीको बिधान बमोजिम ५ व्यक्तिलाई जिल्ला कार्यालय समिती सदस्य पदमा मनोनीत गरि विभिन्न शाखाको जिम्मेवारी दिइएको जिल्ला कार्य समिती सदस्री एवम् महिला नेतृ लक्ष्मी मैनालीले जानकारी दिनुभएको छ। पार्टीको बिधानबमोजिम मनोनीत हुनेहरुमा कपिल देव भुषाल,दुर्गा कोइराला, नारायण गौडेल,प्रेम बहादुर कार्की,कमल राज गुरौ लगायत रहनु भएको छ। मनोनीत हुनु भएको जिल्ला कार्य समितिका सदस्यहरुलाइ कार्य विभाजन पनि गरिएको छ। त्यसैगरी जिल्लाका ४ व्यक्तिहरुलाइ पनि जिल्ला कार्य समितिमा आमन्त्रित सदस्यहरुको रुपमा मनोनयन गरिएको छ। आमन्त्रित सदस्यहरुमा शोभाखर रिमाल,कृष्ण बहादुर चौधरी,रामप्रसाद महत्तो र कुल बहादुर गुरुङ रहनु भएको नेपाली काङ्ग्रेस जिल्ला कार्य समितीका सचिव होमराज राना भाटले जानकारी दिनुभएको छ। जिल्ला कार्य समितिको विस्तारित बैठकमा उपसभापति चन्द्रबहादुर राना,बालकृष्ण घिमिरे,सचिव महेन्द्र पोख्रेल लगायतले पार्टीको गतिविधिमाथी प्रकाश पार्नु भएको थियो। जिल्ला कार्य समितिको बैठकमा पदाधिकारी ,सदस्य र क्षेत्रीय सभापति गरि ३ दर्जन व्यक्तिहरुको उपस्थिति रहेको कार्यालय सचिव गोपाल बस्ताकोटीले जानकारी दिनुभएको छ।
