-श्याम क्षेत्री, टोकियो
विभिन्न पेशा व्यवसाय र अध्ययनको सिलसिलामा जापानमा रहेका राप्तीबासी लगाएत अन्य जापानमा रहेका नेपालीहरुले ओपिराम बि।क को उपचारको लागि सहयोगार्थ जापानी येन ५ लाख ३ हजार रकम सहयोग गरेका छन् ।
दाङ भालुबाङ घर भई लामो समय जापानमा बस्दै आउनु भएका विक मुटु तथा पेट सम्बन्धी गम्भिर रोग लागे पश्चात् धेरै रकम लाग्ने सक्ने सम्बन्धीत डाक्टरले बताए पछि बिरामीको उपचारको लागि आफन्तहरुले सबैसंग सहयोगको याचना गरेका छन ।
बिरामी अहिले टोकियोको रहेको सिनागावा हस्पिटलमा उपचार्थ हुनुहुन्छ । पिडीतको अवस्था नाजुक रहेकोले सम्बन्धित अस्पतालमा लगेर उपचार गरॉउन नसकिरहेको भन्ने यस दुखद खबर संचार माध्यमबाट थाहॉ पाए लगतै राप्ती समाज जापानको अगुवाइमा आर्थिक सहयोग संकलन अभियान थालेको थियो ।
संकलन भएको रकम राप्ती समाज जापानका अध्यक्ष मनराज बिश्वकर्मा, संरक्षक युवराज रेग्मी, उपाध्यक्ष कमल सोनी लगाएतका समाजका सदस्यहरुले घरमै गएर पिडीत बि।क लाई हस्तारणतरण गर्नु भएको छ ।
समाजले यस अघि नै दिल वहादुर रम्तेल बचाउ अभियान , धुर्मुस सुन्तली फाउन्डेसनको नमूना नेपाल परियोजना, सिदार्थ माध्यामिक बिद्यालय घोप्टेओढार पातिहाल्ना रोल्पा जिनाबाङ, दाङका भुकम्प पिडीत, ब्लड क्यान्सरबाट पिडित भएकी रुकुम पश्चिम सानीभेरी गाउँपालिका–३ गरायलाकी जमुना नगाल गहतराजलाई उपचार्थ सहयोग, लडेर मेरुदण्ड भाँचिएर थला परेका सिन्धुली जिल्ला घ्याङलेक गाउँपालिका–१ का सुरेन्द्र कुमार बम्जन ,रुकुम पुर्वकै मुटुभित्र प्वाल परेका सरद ओली लाई आर्थिक सहयोगलगाएत जापानमा विभिन्न समस्या पर्दै आएका नेपालीहरु लाई सहयोग गर्दै आएको छ । सबै दुख पिडामा रहेका नेपालीहरुको लागि समाज एउटा सहयोगी साथी बनेको छ ।
यसरी विभिन्न समस्यामा परेका नेपालीहरुलाई राप्ती समाजले सहयोग गर्न पाउदा निकै ठूलो सफलता हासिल गरेको महसुस हुने र आगामी दिनमा पनि समाज सेवालाई निरन्तरता दिई रहने कुरा समाजका अध्यक्ष मनराज बिश्वकर्माले बताउनु भयो ।
