प्रमुख प्रतिपक्ष दल नेपाली कांग्रेसका सभापति शेरबहादुर देउवाले जनता समाजवादी पार्टी (जसपा) नेपालका अध्यक्ष उपेन्द्र यादव र लोसपा नेपालका अध्यक्ष महन्थ ठाकुरलाई छलफलमा बोलाएका छन् ।
सभापति देउवा सहयोगी भानु देउवाले दिएको जानकारीअनुसार देउवा निवासमा आज साँझ ५ बजेपश्चात् छलफल हुनेछ । “महन्थ, उपेन्द्र दाईलाई उहाँले छलफलमा बोलाउनुभएको छ,” सहयोगी देउवाले भने ।
छलफलमा वर्तमान राजनीतिक परिस्थितिको विषयमा छलफल हुने बुझिएको छ । सहकारीको बचत अपचलनमा संसदीय छानबिन समिति बनाउनुपर्ने पक्षमा विपक्षी दलहरू एक मतमा थिए । समिति बनेपश्चात् संसदीय राजनीति र सम्भावित सत्तासम्मको सहकार्यको विषयमा छलफल हुने बुझिएको छ ।
