सन् २०२५ को इन्डियन प्रिमियर लिग (आईपीएल) का लागि रिटेन्सनमा नपरेपछि भारतीय तीव्र गतिका बलर अर्शदीप सिंहले असन्तुष्टि जनाएका छन्।
पञ्जाब किङ्ग्सबाट खेल्दै आएका अर्शदीपलाई सन् २०२५ मा हुने आईपीएलका लागि पञ्जाबकले अक्सन अघि रिलिज गरिदिएको छ।
अर्शदीपलाई पञ्जाबले सन् २०१९ मा २० लाख भारतीय रुपैयाँमा आफ्नो टीममा सहभागि गरेको थियो भने २०२२ मा ४ करोडमा रिटेन गरेको थियो। पछिल्लो समय उनको प्रदर्शनलाई ध्यानमा राखि आगामी सिजनका लागि उनलाई टीमले रिटेन्सन गर्ने अनुमान गरिएको थियो। तर, पञ्जाबले उनलाई अक्शन अघि रिलिज गरिदिएको हो।
पञ्जाबले आगामी सिजनका लागि आफ्नो टीममा शशांक सिंह र प्रभसिमरन सिंहलाई रिटेन्सन गरेको छ।
अर्शदीपलाई रिटेन्सन नगर्नुको कारणबारे खासै खुलाइएको छैन। पञ्जाबले रिटेन्सन नगरेपछि अर्शदीपले पञ्जाबलाई आफ्ना सबै सामाजिक सञ्जालबाट अनफलो गरिदिएका छन्। उनले पञ्जाबका सबै पुराना पोस्टहरू डिलेट गरिसकेका छन्। जसका कारण अर्शदीप र पञ्जाबीचको सम्बन्ध राम्रो नरहेको अनुमान गरिएको छ।
अर्शदीपले आईपीएलमा पञ्जाबका लागि खेल्दै ६५ म्याचमा ७६ विकेट लिएका छन्।
