कपिलबस्तु, माघ २६ गते । तौलिहवामा क्रियाशील बैंक तथा वित्तीय संस्थाहरूको छाता संगठन “बैंकर्स क्लब तौलिहवा” को नयाँ कार्यसमिति गठन भएको छ । तौलिहवामा सम्पन्न बैठकले राजेन्द्र प्रसाद शर्माको अध्यक्षतामा नयाँ नेतृत्व चयन भएको हो ।
नवगठित कार्यसमितिमा नेपाल इनभेष्टमेण्ट मेगा बैंकका शाखा प्रमुख राजेन्द्र प्रसाद शर्मा अध्यक्ष चयन भएका छन् । त्यस्तै इन्भेष्टमेण्ट एण्ड फाइनान्सका प्रमुख राजीव श्रीवास्तव उपाध्यक्ष, कामना सेवा विकास बैंकका प्रबन्धक राम प्रित पाल सचिव, तथा लक्ष्मी सनराइज बैंकका प्रबन्धक विकास श्रीवास्तव कोषाध्यक्ष चयन भएका छन् ।
त्यस्तै सदस्यहरुमा संघर्ष रेग्मी (माछापुछ्रे बैंक), अनन्त भट्टराई (सिटिजन्स बैंक), अनमोल श्रेष्ठ (सिद्धार्थ बैंक), शंकर घिमिरे (एभरेष्ट बैंक), निरज भूसाल (एनआइसि एसिया बैंक), भुवनेश्वर पाण्डे (कृषि विकास बैंक), सञ्जय भण्डारी (एनएमबि बैंक), असलम खान (कुमारी एनसीसी बैंक), लोक नारायण न्यौपाने (ग्लोबल आइएमई बैंक) र देवीराम आचार्य (प्रभु बैंक), शुबोध पाठक (साइन रेसुंगा बिकास बैंक), नविन बहादुर श्रेष्ठ (गुहेश्वरी मर्चेन्ट बैंक तथा फाइनान्स), अर्जुन राज काफ्ले (राष्ट्रिय बाणिज्य बैंक), आकाश पुरी (नविल बैंक)का शाखा प्रबन्धकहरुे चयन हुनु भएको छ ।
नयाँ नेतृत्वलाई सफल कार्यकालको शुभकामना दिँदै उपस्थित बैंकरहरूले वित्तीय सशक्तिकरण, सहकार्य, र सेवाग्राहीलाई थप सहज सेवा प्रदान गर्ने विषयमा छलफल गरेका थिए । क्लबले आगामी दिनमा बैंकिङ क्षेत्रका विभिन्न विषयमा समन्वयात्मक कार्य गर्ने प्रतिबद्धता जनाएको छ ।
‘बैंकर्स क्लब’ क्लब तौलिहवाको अध्यक्षमा शर्मा
