रमेश मिश्रा । साझा न्यूज (कपिलवस्तु)
शुद्धोधन गाउंपालिका वडा नं. ३ ठुलो सिसहनियामा गहुं काट्दै गरेको खेतमा एक्कासी आगो लागे पछि पक्की ७ विगाहामा लगाईएको गहुं बाली जलेर नष्ट भएको छ । कम्वाईनले गहु काट्दै गर्दा १५ जना किसानको गहु खेतमा अचानक लागेको आगो लागेको थियो ।
प्रहरीका अनुसार सिसहनिया गाउंको खेतमा गहुं काट्ने क्रममा अचानक आगो लागे पछि सोही गांउका १५ जना किसानहरुको गहुं बालीमा आगो सल्किएको थियो । आगलागीको खबर पाए लगत्तै प्रहरी चौकी लबनीको प्रहरी टोली, स्थानीय सर्वसाधारण शशस्त्र प्रहरी लगायतले आगो नियन्त्रणमा खटिएका थिए ।
कपिलवस्तु नगरपालिकाको दमकल, लुम्विनी सांस्कृतिक नगरपालिकाको दमकल, स्थानीय सर्वसाधारण र सुरक्षाकर्मीको सहयोगमा सो आगो नियन्त्रणमा आएको प्रहरीले जनाएको छ ।
आगलागीबाट ८ लाख ३१ ह्जार ६ सय रुपैया बराबरको करीब १ सय ९८ क्विन्टल गहु बाली जलेर नष्ट भएको ईलाका प्रहरी कार्यालय पकडीका ईन्चार्ज प्रहरी निरिक्षक कमल क्षेत्रीले बताए ।
आगजनीबाट कुनै मानवीय क्षति भने भएको छैन । गहुं बाली काट्न प्रयोग गरिने कम्बाईन मेशिनको सेल्फ मोटरबाट निस्कने आगोको ससानो झिल्कोबाट आगलागी भएको हुन सक्ने कृषकहरुले अनुमान गरेका छन् ।
