कपिलवस्तु, ६ वैशाख । नेपाल शिक्षक महासंघ र सरकार विच पटक पटक भएका संझौताहरु कार्यान्वयन नहुदा मुलुक भरका शिक्षकहरु आन्दोलित हुनु पर्ने अवस्था आउनु समग्र शैक्षिक क्षेत्रका लागि दुखद विषय भएको लुम्विनी प्रदेशका सामाजिक विकास मन्त्री जन्मजय तिमिल्सिनाले बताए ।
शिक्षकहरुका जायज मागहरुलाई सम्वोधन गरेर शैक्षिक गतिरोध अन्त्य गर्न संघीय सरकार पुर्ण रुपले जवाफदेही हुनु पर्नेमा मन्त्री तिमिल्सिनाले जोड दिए । कपिलवस्तुको शिवपुरमा अायाेजित एक कार्यक्रमलाइ सम्वाेधन गर्दै मन्त्री तिमिल्सिनाले भने, प्रधानमन्त्रीले शिक्षकहरुलाई फर्केर जिल्ला जानुस् हामी माग सम्वोधन गर्छौ भन्दा पनि शिक्षकहरुकाे निरन्तर काठमाण्डौं केन्द्रित आन्दोलित गर्नु पर्ने अवस्था किन आयो ? यस तर्फ संघीय सरकार पुर्ण संवेदनशील हुनु जरुरी छ ।
विगतका सरकारले गरेका संझौताहरु वर्तमान सरकारले पुरा नगरेका कारण अब प्रधानमन्त्रीले आश्वासन दिंदा पनि शिक्षकहरु आन्दोलनबाट टसमस भएका छैनन् । मन्त्री तिमिल्सिनाले भने, सरकारले आन्दोलनरत शिक्षकहरुको मागलाई फास्ट ट्याकबाटै छिटो भन्दा छिटो सम्वोधन गर्नु पर्छ ।
नयां शैक्षिक सत्र शुरु भई सकेको अहिलेको अवस्थामा शिक्षकहरु सडक आन्दोलनमा हुनु मुलुकको शैक्षिक विकासको लागि दुर्भाग्यपुर्ण अवस्था भएको मन्त्री तिमिल्सिनाले बताए । आफु सदैव शिक्षकहरुको जायज मागहरु प्रति पुर्ण सहमत भई आफ्ना पार्टीका संघीय मन्त्री तथा पदाधिकारीहरुलाई शिक्षकका माग सम्वोधनको पहल गर्र्न पटक पटक अनुरोध गर्दै आएको पनि बताए ।
