कपिलबस्तु, बैशाख २४ गते । बुद्धको क्रिडा स्थल कपिलबस्तुबाट एशियन थाई फूड्स प्रा.लि.ले उत्पादन शुरु गरेको छ । कपिलबस्तु नगरपालिका वडा नं. ६ गोबरीबाट फूड्स प्रा.लि.ले दोस्रो यूनिटको रुपमा सो उत्पादन शुरु गरेको हो ।
कम्पनीले २४ घण्टामा १५ हजार कार्टुन चाउचाउ उत्पादन गर्ने जनाएको छ । उत्पादन भएका च्याउच्याउ ३० बढी देशमा निर्यात समेत हुने गरेको छ ।
फूड्स प्रालिका प्रबन्ध निर्देशक महेश जाजुका अनुसार चालिस करोड बढी लागतमा शुरु गरिएको उत्पादन २ सय पचास जनाले रोजागरी पाएका बताउनु भएको छ । उहाँले कम्पनीले उत्पादन गर्ने चाउचाउ ३० बढी देशमा निर्यात गर्दै आएको बताउनुभयो ।
उहाँले भन्नुभयो “नेपालका उत्पादनहरूलाई यति धेरै देशहरूमा चिनाउन र विदेशी मुद्रा ल्याएर नेपालको व्यापार घाटालाई कम गर्नमा योगदान दिन पाउँदा हामीलाई सन्तुष्टि र राष्ट्रिय गर्वको अनुभव हुन्छ ।” कम्पनीमा बढीभन्दा स्वादेशी एवम् स्थानिय कामदारहरुलाई रोजगारी दिने उहाँको भनाई छ । कम्पनीले केही समयमै क्यानमा स्न्याक्स र कप नूडल्सु जस्ता अझै प्रिमियम उत्पादनहरू बजारमा ल्याउने तयारी रहेको प्रबँन्ध निर्देशक जाजुले बताउनुभयो ।
एसियन थाइफुड्सले संसारमा रहेका नेपालीलाई आधार मानेरै आफ्नो उत्पादनलाई तीव्र अन्तर्राष्ट्रियकरण गरिरहेको छ । कम्पनीले आउने दिनमा मसलाहरु प्नि उत्पादन गर्ने योजना बनाएको छ । यस कम्पनीबाट प्रिती, रमपम र टु पिएम जस्ता ब्राण्डहरू उत्पादन हुने छ ।
वाईवाई पछी चाउचाउ उत्पादन गर्ने यो दोस्रो ठुलो कम्पनी हो । विराटनगरमा २०५६ सालमा स्थापित एसियन थाई फुड्स प्रा. लि. ले २०५७ सालमा पहिलो चाउचाउ बजारमा ल्याएको थियो ।
