कपिलवस्तु, जेठ ५ गते । कपिलवस्तु नगरपालिका वडा नं. ५ का वडा अध्यक्ष दिरेप कुमार चौधरीको नेतृत्वमा वडामा उल्लेखनीय विकासका कामहरू सम्पन्न भएका छन् । उनले निर्वाचित भएदेखि वडाका आधारभूत पूर्वाधार, शिक्षा, स्वास्थ्य, कृषि, धार्मिक तथा सामाजिक क्षेत्रहरूमा उल्लेखनीय काम गर्दै आएका छन् ।
वडाभित्र रहेका सबै मुख्य सडकहरूको निर्माण सम्पन्न भइसकेको छ । शिक्षाको क्षेत्रमा पनि महत्त्वपूर्ण पहल गरिएको छ । धर्मभक्त निमाविलाई माध्यमिक विद्यालयमा स्तरोन्नति गरिनुका साथै कोटी ग्राम विद्यालयलाई पनि माध्यमिक तहमा उकासिएको छ । यी दुवै विद्यालयमा चार कोठे नयाँ भवन निर्माणका लागि बजेट विनियोजन भई निर्माण कार्य अगाडि बढिसकेको छ । साथै कोटी ग्राम माविमा पर्खाल निर्माण पनि गरीको उहाँको भनाई छ ।
साथै धर्मभक्त माविका एसइइ दिने विद्यार्थीहरुलाई वडाको बजेटबाट अतिरिक्त कक्षाको व्यवस्था गरिएको वडाध्यक्ष चौधरीले बताउनुभयो ।
बाल विकासका लागि पनि वडा कार्यालयले विशेष ध्यान दिएको छ । कोटी ग्राम, धर्मभक्त र कपियवामा बालविकास भवन निर्माण गरिएको छ । साथै, वडा भित्रका तीनवटै विद्यालयका विद्यार्थीहरूलाई स्कुल ब्याग, पोशाक तथा शैक्षिक सामग्री वितरण गरिएको छ । वडा भित्र रहेका विद्यालयका विद्यार्थीहरूलाई स्टेशनरी वितरण गरिएको छ ।
सामुदायिक संरचनाको विकासमा पनि वडाले ठोस काम गरेको छ । डगंरी र श्रीरामपुरमा सामुदायिक भवन निर्माण सम्पन्न भएको छ । दलदलहा गाउँमा मदरसा, श्रीरामपुरमा मस्जिद र इदगाहको निर्माण गरिएको छ । साथै, वडा भित्रका विभिन्न मठ–मन्दिरहरूको जीर्णोद्धार समेत गरिएको छ ।
कृषि क्षेत्रलाई प्रवद्र्धन गर्न कृषकहरूलाई तरकारी तथा दुध उत्पादनमा प्रयोग हुने बीउ र घाँसको बीउ वितरण गरिएको छ । कृषकहरुलाई स्प्रेटंयकी वितरण समेत गरीएको छ । स्वास्थ्यका क्षेत्रमा पनि वडाले सक्रियता देखाएको छ । नियमित स्वास्थ्य जाँच गराएका महिलाहरूलाई सुपरनेट झुल वितरण गरिएको छ भने ६ महिना देखि २ वर्षसम्मका बालबालिकालाई सर्वोत्तम पिठो वितरण गरिएको छ । डंगरी स्वास्थ्य चौकीलाई मर्मत संभार गरी पर्खाल निर्माण समेत गरीएको छ । खानेपानीका लागि हेण्डपाइप जडान गरीएको छ ।
खेलकुदको विकासका लागि खेल सामग्री वितरण गरिनुका साथै ‘वडाकप क्रिकेट प्रतियोगिता’ आयोजना गरिएको छ । साथै, बाल विकास कक्षाका विद्यार्थीहरूका लागि विद्यालयमा एलईडी जडान गरिएको छ । धर्मभक्त मावि बभनी तथा कोटी ग्राम माविमा अध्ययनरत विद्यार्थीहरूका लागि ल्याब प्रयोगशाला तथा पुस्तकालयको निर्माण कार्य गरी सञ्चालनमा ल्याइएको छ ।
वडा अध्यक्ष चौधरीले वडाको समग्र विकासमा योगदान पु¥याउँदै स्थानीयको जीवनस्तर उकास्ने प्रयास गर्दै आएका बताउनुभयो ।
