श्याम थापा
सुस्ता३ असार लगातार अविरल बर्षाको कारणले पश्चिम नवलपरासीको अधिकांस भुभाग जलमग्न भएको छ ।
जिल्लाको सरावल गाउँपालिका,प्रतापपुर गाउँपालिका,पाल्हिनन्दन गाउँपालिका,रामग्राम नगरपालिका,सुस्ता गाउँपालिका र बर्दघाट नगरपालिकाको अधिकांस भुभाग बर्षाको कारणले जलमग्न भएको हो ।
लगातार अविरल बर्षिरहेको बर्षाको पानी निकास नभएको कारणले नै जिल्लाको अधिकांस खेतीयोग्य जमिन र गाउँ घर डुबानमा परेको स्थानीयबासिले बताउँछन् ।
जब मनसुन सुरु हुन्छ त्यसपछि हाम्रो निद सबै उडेर जाने गर्छ जहिले पनि नेताहरु आउछन् र अब यो डुबानको समस्या समाधान हुन्छ भनेर जान्छन् तर हाम्रो समस्या भने जिउकोतिउ नै रहेको पाल्हिनन्दन गाउँपालिका वार्ड न १ शंकरपुर बस्ने जितेन्द्र कुमार हरिजनले बताए ।
हरिजनको अनुसार खोलाहरुको सरसफाइ र ड्रेनको सरसफाइ र निकास नभएकै कारणले आफुहरु डुबानको समस्या भोग्नपरेको सुस्ता सन्देशलाई बताए । आफुहरुले लगाएको धान,उखु,बेसार,तरकारीहरुको खेती पुर्ण रुपले जलमग्न भएको र घर समेत डुबानमा परेर सास्ती भोग्न परेको उनले बताए ।
बर्षाको पानी निकास नभएर बर्सेनि डुबानको समस्या भोग्न परेको पाल्हिनन्दन गाउँपालिकाका शंकरपुर,रामपुर खडौना,सरावलको डुबन्तापुर,पुसौली,भुजहवा र प्रतापपुरको वार्ड न ३ र ४ लगायत अन्य स्थानहरु यतिखेर जलमग्न भएको देख्न सकिन्छ ।
पाल्हिनन्दनको झरहि खोला र सरावलको धनेवा खोला सरसफाइ नभएको कारणले सरावल र पाल्हिनन्दनको आधा दर्जन भन्दा बढी गाउँहरु डुबानको पिडा खेप्दै आएको र डुबानको समयले गर्दा उनिहरुले खाद्यान्नको अभाव,खानेपानी,आवतजावत र सर्पको बिगबिगी जस्ता सास्ती भोग्न परिरहेको छ ।
