कपिलवस्तु । तौलिहवा उद्योग वाणिज्य संघका पुर्व अध्यक्ष सन्तोष कुमार कसौधनलाई लुम्विनी प्रदेश सरकारले प्रदेश स्तरीय खेलकुद परिषदको सदस्य पदमा मनोनित गरेको छ । लुम्विनी प्रदेश मन्त्री स्तरीय निर्णयबाट संघका पुर्व अध्यक्ष कसौधनलाई प्रदेश खेलकुद विकास ऐन २०७६ अनुसार प्रदेश खेलकुद परिषदको सदस्यमा मनोनित गरिएको शिक्षा तथा सामाजिक विकास मन्त्रालयका सचिव महादेव पन्थले बताए ।
शिक्षा तथा सामाजिक विकास मन्त्री धरम बहादुर लाल श्रीवास्तवको विशेष पहलमा कसौधनलाई सो पदमा नियुक्त गरिएको हो । लुम्विनी प्रदेश सरकारबाट प्रदेश खेलकुद परिषदमा मनोनित भएको प्रति पुर्व अध्यक्ष कसौधनले खुशी व्यक्त गरेका छन् । आफुलाई दिईएको जिम्मेवारीलाई सक्रियताका साथ अर्थपूर्ण ढंगबाट पुरा गर्ने पुर्व अध्यक्ष कसौधनले प्रतिवद्धता जनाएका छन् ।
