काठमाडौँ – जनता समाजवादी पार्टी (जसपा) का संघीय परिषदका अध्यक्ष डा. बाबुराम भट्टराईले संबिधान विपरित स्वेच्छाचारी ढंगले मन्त्री बनाउने र सर्वोच्चले उल्ट्याउनु नेपाली राजनीतिको रोचक परिदृश्य बनेको टिप्पणी गरेका छन् ।
डा. भट्टराईले क्षणिक निजी स्वार्थ निम्ति लम्पट बन्नेहरूको आँखा खुलोस् भन्ने आग्रह गरेका छन् ।
उनले भनेका छन्-
संविधानका निर्मातामध्ये नै संविधानको शब्द/भावना विपरित गएर स्वेच्छाचारी ढंगले मन्त्री बनाउने/बन्ने लज्जास्पद हर्कत गर्नु र संविधानको व्याख्याता सर्वोच्च अदालतले त्यसलाई उल्ट्याउनु नेपाली राजनीतिको रोचक परिदृश्य बन्ने नै भयो । क्षणिक निजी स्वार्थ निम्ति लम्पट बन्नेहरूको आँखा खुलोस् !
