–नेपालगन्ज प्रतिनिधि
लागु औषध दुरुपयोग तथा अवैध ओसारपसार विरुद्ध अन्तराष्ट्रिय दिवसका अवसरमा आज नेपालगन्जको जमूनाह नाकामा लागु औषध दुव्र्यसन विरुद्धको नागरिक सचेतना कार्यक्रमको आयोजना गरिएको थियो ।
खुला सीमानाकाका कारण नेपालीहरु छिमेकी देश भारतको रुपैडिहा पुगेर समेत लागु औषधको प्रयोग गर्ने, लिएर आउने गरेका कारण नेपाालगन्ज लागु औषध कारोवारको लागि ट्रान्जीट प्वाइन्ट बन्दै गएको बताईन्छ।
नेपाल भारतका सुरक्षा अधिकारीको उपस्थितिमा भएको सो कार्यक्रममा बाँकेका नेपाली सुरक्षा अधिकारीहरुले सीमावर्ती भारतीय सुरक्षा अधिकारीहरुलाई लागुऔषध नियन्त्रणका लागि सहयोगको आग्रह गरेका थिए ।भने त्यसमा भारतीय पक्षले पनि पुर्ण रुपले सहयोगको प्रतिबद्धता जनाएको बाँकेका एसपी ओम रानाले बताउदै लागू औषधको विरुद्धमा सबै सरोकारवाला निकायहरु एकजुट भएर लाग्नु पर्ने कुरा प्रष्ट पार्नु भएको थियो ।
कार्यक्रममा बाँकेका सहायक प्रमुख जिल्ला अधिकारी शंकरबहादुर बिष्ट, सशस्त्र प्रहरीका एसपी अशोक कुमार बम, भारतका एसएसबी असिस्टेन्ट कमाण्डर सुकुमार देव बर्मन, रुपैडिहा थानाका इन्स्पेकटर अशोक कुमार सिंह, जमुनाह बिओपी इन्चार्ज जीवलाल बुढा, वडा प्रहरी इन्चार्ज डिल्ली बहादुर खड्का, आगु औषध ब्युरो का प्रकाश के.सि लगायतको उपस्थिति रहेको थियो ।
उक्त कार्यक्रममा लागू औषध बिरुद्ध काम गर्ने सरोकारवाला निकाय तथा भारतिय प्रहरी अधिकृतहरुको पनि उपस्थिति रहेको थियो ।
