ईसाझा न्यूज । तौलिहवा
कपिलबस्तु नगरपालिकाको नवौ नगरसभाको दोस्रो बैठकबाट पत्रकार, जनप्रतिनिधि र कर्मचारीलाई सम्मान गरिएको छ ।
नगरपालिकाले आयोजना गरेको नवौं नगर सभाबाट नगरपालिकाको विकास निर्माण लगायतको क्षेत्रमा समाचारको मध्यमबाट महत्वपूर्ण कार्य गरे बापत पत्रकार शम्भु शैनि (मालि) र बासुदेव बर्मालाई नगद सहित सम्मान गरिएको हो ।
त्यस्तै वरिष्ठ वडा अध्यक्षको रुपमा वडा नं. २ का वडाध्यक्ष राम भजन कलवार, धर्मात्मा माणी त्रिपाठी, नगरपालिकाको उत्कृष्ट कर्मचारीको रुपमा लेखा अधिकृत बलराम न्यौपाने, नगरपालिकाको इन्जिनियार चण्डी प्रसाद देव, नारायण चौधरी, कार्यालय सहयोगी कमलेश वारी लगायतलाई नगद सहित सम्मान गरिएको छ ।
कपिलबस्तु नगरपालिका वडा नं. ३ का वडाध्यक्ष रुद्र बहादुर गैरेको संयोजकत्वमा गठित समितिबाट छनौट गरिएको हो । कार्यक्रममा नगरपालिकाका नगर प्रमुख किरण सिंह, उप प्रमुख लक्ष्मी गुप्ता, प्रमुख प्रशासकिय अधिकृत शेषकान्त पौडेल, नगरपालिकाका सामाजिक विकास अधिकृत पदमराज श्रेष्ठ, वडाध्यक्ष, वडा सचिव लगायतको उपस्थिति रहेको थियो ।
