काठमाडौं। पूर्व प्रधानमन्त्री तथा नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओलीले अदालतलाई धम्काउने प्रयास गरेको आरोप लगाउनुभएको छ ।
विपक्षी गठबन्धनले बुधबार नागरिक समाजका प्रतिनिधिहरुसँग गरेको छलफलमा देउवाले ओलीले न्यायाधीशहरुलाई अनावश्यक धम्की दिएको आरोप लगाउँदै ओलीको धम्कीबाट कुनै न्यायाधीश नडराउने बताउनुभयो । अदालतले निष्पक्ष फैसला दिनेमा ढुक्क रहेको उहाँले बताउनुभयो ।
उहाँले भन्नुभयो । ‘अदालतका न्यायाधीशहरु पनि प्रधानमन्त्रीको धम्कीबाट डराउने हो भने के होला देश ?, मलाई विश्वास छ, ओलीको धम्कीबाट कोही पनि न्यायाधीश डराउने वाला छैनन् ।’
निर्वाचित कार्यकारीले सत्ताको दुरुपयोग गर्ने, तानाशाही प्रवृत्ति देखाउन सक्ने, तर स्वतन्त्र न्यायालयका आगाडि कसैको केही नलाग्ने उहाँले बताउनुभयो ।
