ट्रकमा गोरुलोड गरी लैजाने क्रममा ३ जना पक्राउ

कपिलबस्तु, असार २३
ट्रकमा गोरुलोड गरी लैजाने क्रममा ३ जना पक्राउ परेका छन् । जिल्लाको कपिलवस्तु नगरपालिका वडा नं.१० पचेहरा स्थित तौलिहवा चार नम्बर सडक खण्डमा ट्रकमा गोरु लोड गरी लैजादै गरेको अवस्थामा प्रहरीले पक्राउ गरेको हो ।
तौलिहवा चार नम्बर सडक खण्डको पचेहराबाट ना ८ ख ७७०७ नं.को ट्रकमा २४ जिउ गोरु लोड गरी लैजाने क्रममा पक्राउ गरिएको प्रहरी नायब उपरिक्षक धर्मराज भण्डारीले बताए । चालकलाई सोधपुछ गर्दा सो ट्रक झापा लैजान लागेको बताईएको छ ।
प्रहरीले कागजातहरु नभएको हुँदा गोरूसहितको ट्रक र ३ जना मानिसलाई नियन्त्रणमा लिई आजै आवश्यक कारवाहीको लागि सुठौली भन्सार कार्यालय पठाइएको प्रहरी नायब उपरिक्षक भण्डारीले बताए ।