काठमाडौं । नेकपा एमालेको विवाद समाधान कार्यदलको बैठक भोलि (शुक्रबार) बिहान साढे ११ बजे बस्ने गरी स्थगित भएको छ। आज (बिहीबार) साँझ बसेको कार्यदलको बैठक भोलि बिहान बस्ने गरी स्थगित भएको हो ।
सिंहदरबारस्थित अर्थ मन्त्रालयमा केहीबेर अघि सुरु भएको बैठक भोलि बिहान साढे ११ बजे बस्ने गरी स्थगित भएको नेता माधवकुमार नेपाल समूहको कार्यदलका सदस्य घनश्याम भुसालले जानकारी दिनुभयो। बैठक बिनाकुनै निष्कर्ष टुंगिएको बताईएको छ।
आजको बैठकमा पार्टीभित्रको विवाद समाधानका लागि सहमतिको मस्यौदाबारे टुंगो लगाउने जनाइएको थियो। कार्यदलको बैठक आजै दिउँसो पनि बसेको थियो।
