विश्वभर कोरोनाभाइरस सङ्क्रमणबाट ज्यान गुमाउनेको संख्या ४० लाख नाघेको छ । जोन्स हप्किन्स विश्वविद्यालयले दिएको पछिल्लो विवरणअनुसार विश्वभरमा ४० लाख १० हजार ६५२ जनाको मृत्यु भएको छ ।
विश्वभरी कूल सङ्क्रमितको संख्या १८ करोड ५५ लाख ६४ हजार ६ जना रहेका छन । विश्वभर तीन अर्ब ३५ करोड ५९ लाख ८७ हजार ११३ डोज कोरोनाविरुद्ध खोप लगाइएको छ ।
सो विश्वविद्यालयले जुलाई ८ मा प्रकाशित गरेको विवरणअनुसार संयुक्त राज्य अमेरिकामा हालसम्म तीन करोड ३७ लाख ९० हजार ५०५ जना संक्रमित भएका छन् भने छ लाख ६ हजार ४७५ जनाले ज्यान गुमाएका छन् ।
भारतमा तीन करोड ७ लाख ५२ हजार ९५० जिना संक्रमित र चार लाख ५ हजार ९३९ जनाको संक्रमणले मृत्यु भएको छ । ब्राजिलमा हालसम्म एक करोड ८९ लाख ६२ हजार ७६२ जना संक्रमित र पाँच लाख ३० हजार १७९ संक्रमितको मृत्यु दत्र्ता गरिएको छ ।
फ्रान्समा ५८ लाख ६१ हजार १३८ संक्रमित र एक लाख ११ हजार ४७३ जना संक्रमितको कोरोना संक्रमणले मृत्यु भएको छ । रुसमा ५६ लाख ३८ हजार ९०१ जना हालसम्म संक्रमित भएका छन् । एक लाख ३८ हजार ४४१ जनाको कोरोना संक्रमणले ज्यान गएको छ ।
