नारद कोहार
कपिलबस्तु, असार २९
सर्बोच्च अदालतले सांसद पुनःस्थापना गरेको फैसलालाई स्वागत गर्दै कपिलबस्तुमा दिप प्रज्वलन गरिएको छ । सर्बोच्चले ओली निरङ्कुशतालाई परास्त गरेको भन्दै कपिलबस्तुको विभिन्न ठाँउमा विपक्षी दलहरुले दिप प्रज्वलन गरेका हुन ।
दिप प्रज्वलन कार्यक्रममा बोल्दै जसपाका केद्रिय सदस्य एवम् पुर्व मन्त्री दानबहादुर चौधरीले यो विजय १ सय ४९ संसदको मात्रै नभएर यो जित नेपाली जनताको भएको बताए । यो जित संयुक्त लोकतन्त्रीक गणतन्त्रको विजय भएको उनले बताए । उनले भने साउन महिन भित्रै लुम्बिनी प्रदेशको सरकार ढल्ने बताए । पुर्व मन्त्री चौधरीले भने अहिले इमन्दरी पुर्वक लुम्बिनी प्रदेशका मुख्यमन्त्री शंकर पोखरेलले राजिनामा दिनु पर्ने बताए ।
सो अवसरमा बोल्दै मायादेवि गाँउपालिकाका अध्यक्ष बजरंगी चौधरीले सरकारले संघियतालाई धारपमा पार्ने जुन खेल भएको थियो त्यो असफल भएको बताए । स्थानिय तह देखि संघ सम्म ओली प्रबृत्तिको अन्त्य हुने र त्यसका लागि सामान्य बिषयमा गठबन्धनलाई कसैले पनि कमजोर बनाउन नहुने बताए ।
त्यस्तै माओबदीका नेता कशिराम यादवले यो दिपावली हजारौं हजार जनताको जिवन बचाउने दिपावली भएको बताए । उनले सवोच्च अदालत र प्रतिगमनको विरुद्धमा लाग्ने सबैलाई धन्यबाद ज्ञापन गरेका छन् ।
कार्यक्रममा नेपाली कांग्रेसका नेता सुरेन्द्र कुमार तिवारीले संबिधान र प्रजातन्त्र सर्बोच्चले बचाएको र ओलीको निरकुशलाई परास्त गरेको बताए । विपक्ष गठबन्धनलाई अझै जिम्मेवारी बढि भएको भन्दै सहमतीबाट अझ अघि बढ्नु पर्ने बेला आएको बताए ।
दिप प्रज्वलन कार्यक्रममा जनता समाजवादी पार्टीका अध्यक्ष शैलेन्द्र यादवले केपी ओलीको प्रतिगमनले सर्बोच्चबाट परास्त गरेको भन्दै अब केहि हदसम्म संबिधानको रक्षा भएको बताए । उनले सर्बोच्च अदालतको निर्णय अनुसार कुर्ची खाली गर्न आग्रह गरेका छन् । साथै राष्ट्रपती बिद्यादेवि भण्डारीलाई पनि नैतिकताका आधारमा राजिनामा दिन आग्रह गरेका छन् । अध्यक्ष यादवले प्रधानमन्त्री केपी ओलीका कारण देश संकटमा धकेलिएका बेला अदालतले देश र जनताको पक्षमा फैसला सुनाएको बताए ।
त्यस्तै कपिलवस्तुको कृष्णनगरमा कांग्रेसका केन्द्रीय सदस्य एवम् प्रतिनिधि सभाका सांसद अभिषेक प्रताप शाह सहितका स्थानीय नेताहरूले दीप प्रज्वलन गरेका छन् । उनले भने केपी प्रबृत्ति कति धेरै घातक रहेछ भन्ने स्पष्ट भईसकेकोले केपी ओली अब बढारिने बताए ।
