काठमाडौं । माओवादी केन्द्रले सरकारमा जाने निर्णय गरेको छ । मंगलबार (आज) बसेको स्थायी कमिटी बैठकले कांग्रेस नेतृत्वको सरकारमा जाने निर्णय गरेको हो । नेता लीलामणि पोखरेलले भने— ‘माओवादी केन्द्रले सरकारमा जाने निर्णय गरेको छ । हामी थप छलफलमा छौँ । सरकारमा जाने भइसकेपछि को-को जाने भन्नेबारे कुराकानी हुँदैछ ।’
यसअघि सोमबार सर्वोच्च अदालतले कांग्रेस संसदीय दलका नेता शेरबहादुर देउवालाई प्रधानमन्त्रीमा नियुक्त गर्न परमादेश दिएको थियो । सोअनुरुप आज देउवा प्रधानमन्त्रीमा नियुक्त भएका छन् भने राष्ट्रपति कार्यालयले शपथको तयारी गरिरहेको छ । कांग्रेस–माओवादीसँगै विपक्षी एमाले, जनता समाजवादी पाटी र राष्ट्रिय जनमोर्चासम्बद्ध गठबन्धनले सरकार बनाउँदैछ ।
माओवादी केन्द्रबाट मन्त्री बन्नेको नाम पार्टीले फाइनल गर्दैछ ।
एक नेताकाअनुसार पहिलो चरणमा देव गुरुङ, देवेन्द्र पौडेल, फम्फा भुसाल, जनमार्दन शर्मालगायतका नेताहरुको नाम चर्चामा छ । ती नेताले भने— ‘उहाँ साथीहरुको नामबारे पार्टीमा छलफल भइरहेको छ । सायद उहाँहरु नै कोहीमध्ये सरकारमा जानुहुन्छ ।’
