नेपाली कांग्रेसका नेता एवं सभापतिका प्रत्याशी डा।शेखर कोइरालाले विधान विपरीत बाडिएका क्रियाशील सदस्यता कुनैपनि हालतमा स्वीकार नहुने बताएका छन् ।
कांग्रेस केन्द्रीय कार्यालय सानेपामा क्रियाशील सदस्यताको विषयमा अनसनरत नेता कार्यकर्ताको आन्दोलनमा ऐक्यवद्धता जनाउँदै कोइरालाले पार्टी कब्जा गर्ने उद्देश्यसाथ क्रियाशीलमा धाँधली गरिएको आरोप लगाए ।
‘क्रियाशील सदस्यतामा मनोमानी भएको छ । यो आन्दोलनमा मेरो समर्थन छ । विधानविपरीत बाडिएका सदस्यता कुनै हालतमा स्वीकार्ने छैनौ’, कोइरालाले भने ।
कोइरालाले धनुषा, सर्लाही र बाराका कांग्रेस कार्यकर्ताहरुको अनसनमा समर्थन जनाउँदै कार्यकर्तामाथि हुने अन्याय सहन नसकिने बताए ।
