विराटनगर। नेकपा (एमाले) मोरङको उर्लाबारी नगर कमिटीको विस्तारित बैठकस्थलमा तोडफोड भएको छ । उर्लाबारी-८ स्थित एभरेष्ट फनपार्कमा बिहीबार दिउँसो तोडफोड भएको हो ।
केपी ओली समूहले नगरसमिति घोषणा गर्ने र सदस्यता नवीकरण गर्ने भन्दै विस्तारित बैठक आव्हान गरेको थियो । उक्त भेला सुरू हुनुभन्दा अगाडि नै तोडफोड भएको बताइएको छ।
एमाले उर्लाबारी नगर संयोजक उमाकान्त गौतमका अनुसार बैठकस्थलमा तोडफोड गरेर कुर्सी, टेबल र झ्यालका सिसामा क्षति पुर्याइएको छ ।
बैठक विथोल्ने प्रयास स्वरूप तोडफोड गरिएको उनको भनाइ छ ।
कसले तोडफोड गरेको भन्ने खुलिनसकेको र अहिले तोडफोड गर्ने समूहको खोजी भइरहेको उनले बताए।
