काठमाडौं । नेकपा माओवादी केन्द्रका अध्यक्ष पुष्पकमल दाहाल, एमाले बरिष्ठ नेता माधव कुमार नेपालसहित एमाले अध्यक्ष केपी शर्मा ओली बाहेक अन्य कम्युनिष्ट नेताहरुले एकै मन्चबाट सम्बोधन गर्ने भएका छन् ।
प्रचण्ड, नेतासहित नेकपा क्रान्तिकारी माओवादीका महासचिव मोहन वैद्य, नेकपाका महासचिव नेत्रविक्रम चन्द ‘विप्लव’ र राष्ट्रिय जनमोर्चाका अध्यक्ष चित्रबहादुर केसी र चन्द्रदेव जोशीसहित ६ जना कम्युनिस्ट नेताहरुले एउटै मञ्चबाट सम्बोधन गर्ने भएका हुन्।
पुष्पलाल मित्रता केन्द्रको आयोजनामा शुक्रबार दिउँसो १ तुलसीलाल स्मृति प्रतिष्ठानको भवनमा ६ शीर्ष कम्युनिष्ट नेताहरुले सम्बोधन गर्ने नेता जगन्नाथ खतिवडाले बताउनुभयो ।
प्रतिष्ठानले एमाले अध्यक्ष केपी शर्मा ओली पक्षलाई भने कार्यक्रममा बोलाएको छैन्। कम्युनिष्ट विचार र दर्शनबाट निक्कै टाढा पुगिसकेकाले ओलीलाई नबोलाएको प्रतिष्ठानले जनाएको छ।
कम्युनिष्ट क्रान्तिकारी शक्तिहरुलाई एउटै ठाउँमा केन्द्रित गर्ने उद्देश्य कार्यक्रम आयोजना गरिएको छ। बोलाएका सबै वक्ताहरुले एक एक गरी आ–आफ्ना भनाइहरु राख्ने भएका छन्।
छरिएर रहेका कम्युनिस्ट नेताहरुले पहिलोपटक एउटै मञ्चबाट सम्बोधन गर्न लागेका हुन। यसअघि नेपाल निवासमा नेपालसहित प्रचण्ड र विप्लवबीचको भेटघाटमा ओलीबाहेक कम्युनिस्ट मोर्चावन्दी वा एकता गर्ने विषयमा समेत छलफल भएको थियो। तत्काल छरिएर रहेका कम्युनिष्ट नेताहरु मिल्न नसक्ने अवस्थामा मिल्ने मुद्दामा सहकार्य गरेर जानुपर्ने नेताहरुले धारणा राख्दै आएका छन्।
